المشاركة الأصلية كتبت بواسطة مشااعر حالمه
يابو فهد كن الزمن صاار ضدي
لا تفسر سكووتي بحقي فضيحه
وانا ترى يااابوي منك استمدي
حيثك فطين وكلمتك لي نصيحه
الهرج بعضة مايجيب او يودي
وجروٍ ينااابح لايهمك نبيحه
اسمع كلامه لاكن اسمع وااعدي
دامه مهو قدي فلا ني نطيحه
لو كان قدي كان غيرت ردي
لاكن صغير وطاح بالنار طيحه
وش جابني وش جاب حده لحدي
دام انه من احفاد هاااك الشريحه
وش جاابني وش جاب جده لجدي
لا زل مزح الهرج واقبل صحيحه
ازريت اقارن بينهم واايش ابدي
ما يجتمع بااابريق حنظل و ( شيحه )
جدي إلى منه غداا الجد ( جدي )
سيفه سقيم ولا يداااوى جريحه
يذبح لضيفه لو يجيه متغدي
ولا يذبح المترديه والنطيحه
وجده يغني ليل دااانه وددي
وفي معظم الاوقااات يرقص يليحه
مادام جده طايحٍ ومتردي
ابوه اجل مااابه من العز ريحه !!؟
متحدي ولا هو كفو للتحدي
واراااهنك يابو فهد من ذبيحه
فهد محزم ..
والنعــم فيك وفي جدك ..
صح السانك ولاهنت يالقرم ..
تحيتي لك / مشاعر حالمه ..
