[poem=font="Arial,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ماتاقف العزة على حب محتال=ياللي مع غيري تبنّيت عذرك
تخطي وأسامح والخطاء صار منوال=واليوم تنشر في المجلات شعرك
من يسمعك قال الغدر فيني اشكال=وماودي احرق خافقك فوق جمرك
رجال مهما قلت يابنت رجال=ماينحني راسي وانا اقول صبرك
حطيت في قلبي من الهم خلخال=هذا جزاء اللي باع ذولاك لامرك
واليوم تطعني بشعرك والاقوال=احذر من الزلات ياصاح حذرك
موتي ولا ظلمك وانا سالي البال=بجنّبك مادام ظلمك وشبرك
ياكثر زلاتك وياكثر الاقوال=على الخطاء ياكثر مدّك وجزرك
أنا اسألك بالله خلّك عن الحال=متى غدرتك وأنت تطعن وتفرك
تكسر خفوقي تستمع كل عذال=وين المحبه ؟ وأنت مكّنت كسرك
بذرت فيني شوك وارمال واجبال=واليوم يحصد فيني الهم بذرك
ماتدري ان حبك وراء عشرة اقفال=بين الضلوع العوج مديت جسرك
لكن مادامك شبيه أشهب اللال=خلك على ظلمك وصدك وهجرك
هذا جواب معرّب الجد والخال=مع السلامه وانتبه طال عمرك[/poem]
