عظيم الــود لك شلته واشيله
[poet font="Arial,5,burlywood,normal,normal" bkcolor="black" bkimage="" border="double,5,sienna" type=2 line=200% align=center use=ex length=0 char="" num="0,black" filter=""]
عظيم الودّ لك شلته واشيله = وافرّشها الوفا واغطاه عهدا
لك القلب املكه خلّك نزيله =ترى غيرك له الخفّاق ردّا
معاليقه تطوّت لك ذليله = وكل اعروق قلبي لك تودّا
وليت الروح صارت لك دخيله =بجاهك لاتعذّبها بصدّا
ولك افكاري بدقّه والجليله =هواجيسه بحبٍ لك تعدّا
رعاك الله والحاله عليله = فديتك يالغلا ترحم مودّا
يناجي في غيابك كل ليله = نجومٍ بالسما من دون عدّا
شكى حاله لجديه مع سهيله = وتاليها القمر له باح سدّا
على فرقاك ياضاف الجديله = شكاوي من يحبّك دون حدّا
ترجّتك الحروف وصدق قيله = بشعرٍ صادقٍ من قلب ودّا
ترد لمخلصٍ منهدّ حيله = فداك بعزوته جدٍ وبدّا
يبي قربك ولو لحظه قليله = لعل اجروح مكنونه تشدّا
شقران
[/poet]
