乂乂 عــــابـــر ســبـيــــل 乂乂
[align=center]نعـود لكـم مـن جديـد
مـع باقـهـ جديـدهـ مـن المسجـات الشعريـهـ
نتمنـى إن تحـوز علـى إعجابكـم ورضاكـم
وماتكـون مكـررهـ أو مغبـرهـ
ونبـي نشـوف ردودكـم
Okaytion
^_^
:
:
ويل قلبي .. لارحلتي عن عيوني .. للغياب !
وين أودي .. وجهـ صبري ..لاتولجني .. الحنين ؟؟
علميني ليهـ نعشق وآخر العشق .. العذاب ؟؟
وعلميني ليهـ .. نهوى .. وآخر الحب .. الأنين ؟؟
:
:
كنّ الثواني ... في غيابك سكاكين !
ليتك تذوق شوي ... طعم الثواني !
القلب ماهو قلب والعين ... مو عين !
حتى مكاني ... ماأحسّهـ ... مكاني !
قلّي دخيلك بس ابلقاهـ ... من مين ؟؟
من غيبتك ... بلقاهـ ؟! أو من ... زماني ؟!
والحين شفنا وين ؟! ... واحلامنا وين ؟!
ضعنا اندوّر ... للسعادهـ ... مواني !
كل شي بكاني من غيابك إلى اللحين !
حتى عدوي ! ... من غيابك ... بكاني !
ماعاد تفرق جرح واحد ! ... وجرحين !
الموت واحد ... لهـ عذابك ... خذاني !
ياصاحبي ... يكفي غيابك ... وبعدين !!
ماخفت ربك بس ... " أنت و زماني "
:
:
ياصاحبي ماجيتك / اشحذ بك / احساس !
جيتك اقول انك عن البال / مارحت !
كن بـ غيابك / لابس وجيهـ / هـ الناس !
وأنا على " شفا تعب " / بس ماطحت !
:
:
إركن إحساسك هنا / قرب تعال ..
الهوى بارد / ومثلهـ / أنت بارد !
إني أنسى الجرح / هذا بـ الخيال !
وإني انسى الحب / هذا شي وارد !
قبل لاتطعن طفل / عندي سؤال ؟!
" ليهـ تتركني مع اللوعات شارد ؟؟ "
وانت تدري بال / ماهنا اليوم / بال !
ضيقـهـ ٍ تصدر / وضيقهـ بـ هم تارد !!
:
:
لك اللهـ / مابقى جـرح ٍ بـ روحـي مانـزف أو سـال
لك اللهـ / مابقـى هـم ٍ اعرفـهـ / ماملـى اوقاتـي
دخيلك هاتي لي " قلب " ومعهـ " صبر " ومعاهم " بال "
دخيلك حس بـ جروحي " أمـا تُبكيـك أنّاتـي !! "
دخيلك اطعن غيابـك / تعبـت احايلـك / واحتـال
دخيلـك / ملنـي هـذا الطريـق / ومـل جياتـي .
:
:
تعال شوف الجرح علك
تأثر 00
و إلا تهزك ذكريات قديمهـ 00
تعال تكفى كف دمعي
تنثر 00
ما عاد بـ الدنيا قلوب رحيمهـ 00
وإن كان ما شفتك
و شوفك تعثر 00
بـ مـوت وأنت المشترك بـ الجريمهـ 00
:
:
هاك جرح / وخيبهـ آمال / ومتاهات / وندم
هاك ذكرى / واعفني لو كان باقي لي كلام
كل ما مد النظر للدرب حارت بي قدم
والمدى قبضهـ سموم ولو يورالي غمام
آهـ وانت وكل شيءٍ لك بهـ القلب انهدم
يكفي اللي راح / روح الضرب فـ الميت حرام !
:
:
ليتني لا احتجت ما احتاج لـ غلاهـ
وليت قلبي للمشاوير انتبهـ
صاحبي / والحب محتاج لـ حياهـ
وانت بين الموت واحساسك شبهـ !
:
:
كنـت احسبـهـ لاجرحنـي دموعـي تذهلـهـ
مادريت ان دمـع عينـي علـى قلبـهـ نعيـم
كـل جـرحٍ مـن يمينـهـ خفوقـي مدهلـهـ
ينجلي ليلهـ وانـا الليـل فـي عينـي مقيـم
علتـي مـن همـي اللـي عجـزت ابزهلـهـ
طر جيبـي لاتذكـرت ان مـالـي نـديـم
الطريـق اللـي يخافـهـ أنــا بستسهـلـهـ
والفـراق اللـي يروعـهـ تـرى رأيٍ حكيـم
أيهـ / أبجهل مامضالـي معـااااااهـ وبجهلـهـ
وكل دربٍ لـهـ يوصـل / تـرى دربٍ عقيـم !
:
:
" عانيت منك ماكفى / وما للعنا قصهـ وشرح
تعبت ادور راحتي / واثر العنا منك وفيك "
:
:
كنك بديت تعود الـقــلب فرقـــاك
تترك مابين أجسادنــا / ألـ 1000 ـف حاجز !
خلك معي واضح دخيلك / وماجاك
مني / تراهـ إحساس إنسان عاجــز !!
:
:
لا تــردد وشـ بقى فيــــها بعـد ؟!
مركب الفرقـى شراعهـ كلمتين !
خذ معك من لهفهـ أشواقي / وعد
لاذكرتك ما أذكرك الا دمعتين !
خذ معك روحي ورتب لي لحد
يحضن احــساسي لـمر الحنين !
ضحكتك كانت مسافات وبـــلد
باكـر اذكرها واحـس بـ طعنتين !!
:
:
للي يبي بعدي / أنا ماني قريب
هو ماربحني / ولا أنا ماخسرتهـ !
:
:
ليت البكى يسوى .. أو الموت .. يسوى !
واختار واحد منهْم .. اليوم وارتاح !
بس الصحيح إني .. ما .. عدت أقوى !
كنّي غديت من الحزن .. أضحك جراح !
ماكنت اظن .. ايدي من العشق .. تلوى !
وامسك لحم وجهي .. وانا اتحسسهـ طاح !!
:
:
الحزن طوّل وليت الحزن لا طوّل
يمّل مثل البشر ويفارق احبابهـ
ياصعب كلمهـ زمان وكان ومن اوّل
على الذي للجفا ما حسب حسابهـ .
:
:
ما عاد تفـرق هـي لنـا أو علينـا
البعد موجع / وأكثر القـرب ذبّـاح !
:
:
كان الليالـي حدتـك انـك تخلينـي
سود الليالي من اللي قـال طاوعهـا
ياهيهـ مـادام دينـك وافـق لـ دينـي
عاند ظروفك على شانـي وطوعهـا
وكانك على قولك انك حيل شارينـي
ارجع على روحٍ انتهـ كـل مطمعهـا
وكانك بغيت الفراق اللهـ لـي يعينـي
بصبـر الـروح مـن هـمٍ يروعهـا .
:
:
يا صاحبـي ماقـد علـى الكيـف قـد جـات
واحسـاس قلبـي فـ المحانـي دفنتـهـ !
:
:
ان جيت ابشكي حالتي اقول غير اللي بـ اقول
النار اكبر صاحبي من انها فـ لحظهـ تطال
انا احترق / واللهـ احترق / وشوفني ناوي ذبول
ماعدت اقوى غربتي ولا غربتي تقوى الليال
هيّ كذا / دايم نزول / في نزوول/ في نزووول
طال الزمن / ثمّ ٍ قصر / والا قصر / ومن ثم طال
بيني وبين امواج فرحي صخرهـ دايم تحول
طولت بالي لين طحت / ويلعنهـ من طول بال
ان جيت ابشرح / صاحبي / صدقني هـ القصهـ تطول
لو تدري بس ان القصايد كلها " نسج الخيال " !
:
:
غصب ٍ أجامل وأبتسم والبس وجوهـ وأقنعهـ
ما ودّي أبدي ما أكنّ / أخاف من قولة رقيق
وغصب ٍ إذا أقفيت تنزل دمعتي ثم أتبعهـ
بـ يدي وأناجي خالقي بـ إنهـ يفرّج كل ضيق .
:
:
الجرح خلّهـ ... لأجل الايام ... ذكرى !
بس لا تجيء في يوم ... وتقول ... نادم
خابرك تفهم بـ الأحاسيس .. و أدرى
يوم ٍ أخلّي القلب ... لـ رضاك ... خادم !
يوم ٍ أجي ملهوف ... وتقول بكرى !
وبكرى أخاف الموت ... يابن الأوادم !!
:
:
أمانـهـ .. لا تعلقنـي معـاك وتنسحـب بـ سـكـات "
" أمانهـ .. كـل مـا يطـري عليـك البعـد علمنّـي
وأمانهـ .. لا تعيشني علـى رجـوى زمـان ٍفـات "
" إذا هان الذي بيني وبينـك / حّـن / وأرحمنـي
وأمانهـ .. لا توقفني علـى بـاب الأمـل لحظـات "
" ترى كل شـي يهـون / إلا تـروح ولا تكلمنّـي .
:
:
لا تطري الفرقا وتهجر خل " يامال الذهاب"
أخاف أموت " بـ مقبرة حبك " وأروح المقبرهـ !
:
:
كانك نويت فراقك اللي تطريهـ ..
كمل جميلك واقتل انسان حبك ..
ملت عيوني من دموع المشاريهـ ..
ماكني اللي أذرف دموع ذنبك ..
القلب يصرخ مالقى من يجاريهـ ..
ماغير نبض ٍ يلفظ أنفاس قربك ..
وصلك فرح وغيبتك شي يفنيهـ ..
يعني بـ صراحهـ غيبتك " شي مربك " ..
واليوم ماعندي كلام ٍ أبحكيهـ ..
غير ان قلبي ينتظر رد قلبك ..
:
:
أنا اللي ما وفـى حظـي سـوا بـ الهـم واللوعـات
أمنّـي قلبـي الطيـب / وأشـوف الحـظ خاينّـي ..
أنا اللي ما أحتمل قلبي فراق اللي يبـي / هيهـات
ألا لو يحتمل قلبي / لا أجنّـب مـن رحـل عنّـي ..
روى خدي من دموعي شبـع قلبـي مـن النكبّـات
أظن الظن بـ أحبابي / وما أسرع ما أختلـف ظنّـي ..
ضميت من الهوى ياما / وتجرعت العنـا رشفـات
وتنطحّت الدهـر هالـك صويـب / لا كنّـي ..
أزيف ضحكتي / مهما بقى فـي خاطـري ونّـات
وأضمد طعنتـي / مهمـا ظـروف الوقـت ذلنّـي ..
:
:
انا ما عاد بـي يــا صاحبي جسم .. وعروق .. ودم
ولا حــتى ظلال ٍ يارث أشباهي .. من الـليـــلهـ ..
أنا .. وإن قلت " أنا " يعني حزن .. يعني جراح ..وهم
ولا أدري وشـ أسوي .. ما بقى بـ اليد من حيلــــهـ ؟؟
على كثر البكى .. صرت أحسب إنــي ســاكن بـ مــيــتم !
وعلى كثر الرجى .. صرت أحسد الباكي بـ منديلهـ ..
:
:
أنت علمني وشـ معنى النهايهـ ؟!
في حياة إنسان / عايش بـ الأخير ؟!
:
:
تعبت من التعب ... والهم ... والآلام ... والضيقهـ ...
تعبت من الرحيل ... اللي على وين ... ما أدري !
إليا مني نهضت ... الصبر وانتفضت ... مسابيقهـ ...
عرفت إن الهزيمهـ ... من نصيبي ... قبل ... لاتطري !
:
:
بـي ضيقـهـ ٍ لـو وزعوهـا بضاعـهـ
ماتنفـذ إلا وأسعـد الخلـق يْبكـون !
:
:
أغيب / أحسب اني على بالك أطري
واللهـ واشوفك صاير اقسى من اول
ظنيت في بعدي / بـ يزداد قدري
واثرهـ على حطت يدي ما تحوّل !
:
:
احبك ايهـ / احبك شي ما يحتاج اسولف فيهـ
احس انّك بـ هذا الكون وحدك / ما معك غيري
وربي ما ابي منّك / سوى شي ٍ تعبت ارجيهـ
تخف شوي من قسوتك إلى منّهـ كثر خيري .
:
:
انا ادري ما بعد عود الصراحـهـ ياهـواي قعـود ..
لو تطـول المسافـهـ والحسافـهـ فـي مساراتـي ..
واعذرك قلت : ما جيتك / وقلـت : الجـود من الموجـود ..
تصدق !! حتى انا / كانت تضايقني زياراتي ....!
:
:
وأخيـــرًا ..
يـازيــن لو طال الزمن عشتهـ وأنا عابـر سبيـل ..
امشي دروب أهل الوفاء ولـ غير ربي ما انحني ..
يـازيــن ما ارخصتك ولا فكرت أدور لك بديـل ..
ماهوب ضعف / ولا ردى / ولاهوب من قـل البنـي ..
جيتك غريب " غربتهـ بعد وشقاء ودرب طويل " ..
ولقيتك " إحساس وفي " واصبحت كلك موطني ..
وتدري غلاك بـ داخلـي مالـهـ شبيـهـ ولا مثيـل ..
لاشـك انا وشـ حيلتي لاصار قلبك مـلـني ؟؟
يـازيــن اختر ماتبي يـاصاحــب الرمــش الكحيـــل ..
يامـا اخـذني حـب وغـلا والا توكـل خلنـي ..! [/align]
