شغالتنا يادرب العنا ،، شغالتنا وش ذنبي أنا !!
السلام عليكم ورحمة الله وبركاته
في ظلمة الليل الداكن
وكل الناس خامدوون
ولا يوجد أحد صاحي غيري >>>>قسم بالله أنفع أشتغل حارسة مقبره
حتى أنني أطل من شباك غرفتي .. اللي في بيتنا ..
فلا أجد سوا الهدوء " داااامس " يعم أرجاء المنطقة ..>>توها سامعه الكلمه وما تدري وش معناها
لا أعـلـم هـل الـعـالـم فـعـلاً نـيـام ..
ام ظـلـمـة الـلـيـل اخـتـلـطـت بـلـون بوية بيت جـيـرنـنـا اللي مدري وش تبي ..
فاخـتـفـوا عـن الأنـظـار >>>ترا ذي المقدمة يعني تراني راعية طويله...
أنا جايتكم بصراحة أشتكي من مصيبه حلّت بي ..
مصيبة كبيرة جداً ..
(( الله يكفينا شر المصايب ))
.... ألا وهي ....
شغالاتنا حسبي الله على ابليسهن
القصه وما فيها :
أنه حنا ياطويلين العمر كان عندنا شغالتين حليلات مرررة وكان بيننا حب وموده وإخلاص <<<< يمديكم على الاسلوب
وكانن هالشغالتين كلهن من جنسيه وحده يعني كلهن اندونيسيات
أول سنه مرت عليهن كان كله تمام مافي مشاكل ولاشي ،،، كانن وحدة طويله والثانيه قصيرة
وبسم الله علي وعليكم مادرينا بذيك الليله كنا قاعدين انا وأمي وأختي بالغرفه إلا وتنزل علينا الشغاله الطويله تصيح
وتصارخ >>> الله يقطع وجهه اهبلتنا
(( مداااام ،، مدااام أنا في جألان = زعلان لأنه أمينه <<<< اسم الشغاله القصيرة ،،، تقي أنا <<< يعني طقتها
ومن بعدها لا ليلنا ليل ولا نهارنا نهار ،، كل شوي جايتنا وحده تشتكي ،، والله العظيم كأنهن بساسه إذا جو يتهاوشن
ويتماخشون قسما بالله إني رحمت الطويله ماتشوفون إيدينها من التمخيش
وحلفت أمي يمين ما تجيب وحده غيرها ..
ما غير تمشي وهي تقول:يامن شراه من حلاله عله
جبنا هالشغالات وتذابحن .. وقلنا بنات القروش أزين من بنات الكروش وما نفعننا >>>كلام جدتي الله يحفظها بس أمي
لطشته من جور المصيبه..>>حلوه جور مدري كيف جبتها
وتمسكني امي .. وتقعد تقرق على راسي شوفي يابنيتي زين إنهن بيروحن عشان تتعودين على شغل البيت لأنه
مصيرتس بتعرسين وهالكلام اللي ماله داعي ،،
وأقوووم أصاااارخ : لااااااااااااااااااع والذي نفسي بيده ما أنا بمشتغلتن شغاله في بيتكم <<<< وش تبين هع هع هع
وتقترب مني أمي الحنونة و تتلّني مع كشتي وتقول لي اسمعي يا بنت ابليس >>ما سبت ابوي ابد:هاها:
علمن ياصلتس ويتعداتس بتتشتغلين بالبيت وتنكرفين بعد هذا اللي ناقص هذا كبرتس ولاتبين تشتغلين وجع يوجع الظالم
تخيلوا الحين
بعد ما كنت أنا أحلى وحده شينه :biggrin:
الفتاة المدلــله المرحه .. >>أما مدلـــله :11umbup:
فائقة الجذابيه ..>>ما كانك خشيتي في الخغرافياء :11oto:
ذات العينين الزرقاويتان .. >> يمديكم علي هع هع هع :واو:
والأذنين الممطوطتين والشعر الأشقر >> لايفوتكم الوصف :biggrin:
اصبحت وردة ذابله .. :vampire:
فراشه حزينه .. :icon_conf
ذبانه منتوفة الجناحين ..:11ap:
ناموسه ملسوعه بالمصيده .. :icon_mad:
صرصور ملحط بزبيرية لين تفل العافيه..
المهم خلوا هالقرقه كلها ودحدروا الله لا يهينكم >> >> وش بعده يوم سحبتي فيهم :biggrin:
1- ليش صاير اعتمادنا على الشغالات بكل شي ؟
2- ليش البنات صاروا يعتقدون ان الشغل بالبيت محتكر على الشغالات بس ؟ وماصاروا يتحملون الشغل مثل جداتنا قبل
>>قولي لنفسك اللي حتى مطبخكم ما تدرين وينه فيه
3- بنات عمتي تراي ماأحبكن ولا أفكر إني أحبكن ولا أبغاكم تحبونن وأكرهكن كره مايعلم فيه إلا الله
والحين خلاص خلّص الموضوع
طحياطي
وآسفه على الإطاله
