يا صاحبي والدمع ماله مواعيد ........ منبعه من عيني وغيري يسريه
صلوا على سيدنا محمد شفيعنا يوم الحشر اللهم صلي وسلم عليه
...............................................
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يا صاحبي والدمع ماله مواعيد=منبعه من عيني وغيري يسريه
هذا الدليل انك علي حاكم وسيد=الدمع دمعي وانت بامرك تجريه
الدمع مثل " الموت " ما فيه تقليد=والعمر مثل " العود " والوقت يبريه
يزورني من غير موعد وتحديد=صعبه يشاورني وتذبح مواريه
دمعي غدا لك " طفل " يا فرحة العيد=كلمة تعال تسوم قلبه وتشريه
قلب(ن) وسط صدري مثل طاهر " البيد "=وانا من أقدام الحضارة مبريه
قلب(ن) على " الفطره " رفض أي تجديد=حبك . وحبك بس يا بنت يغريه
حب(ن) " جماهيره " من الحور والغيد=من روعة " أهدافه " توجد وتطريه
حب(ن) لبس " بردة " شيوخ التقاليد=حب(ن) من أفكار " الموبايل " معريه
عاف الوصال براحة الكف والإيد=البعد وصل إن كان من خوف " باريه "
حب(ن) بنوره يجهر " الشمس " ويقيد=" والبدر " يعجز لو تبسم يجاريه
حب(ن) لروحي " شعب " والنبض تشريد=يجري مع دمي وشعري يباريه
حب(ن) نزفته شوق تبعد وانا ازيد=شي(ن) بودي لو عيوني تداريه
حب(ن) يقول الدمع ماله مواعيد=منبعه من عيني وغيري يسريه
حب(ن) يقول انك علي حاكم وسيد=الدمع دمعي وانت بامرك تجريه
[/poem]
محمد بن دوشان
