. . . ( صبح ٍ أسباني ) . . . للعابث مغترب !!
[align=center]مساءكم سكر :
.
.
.
بلامقدمات . . هنا بعض نزفي يمكن ان يصل ويمكن ايضاً أن يصل :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
( الدمع طبشور ) و ( الأوجان سبورة ) = و ( الليل منفى ) وجرحي أجمل أوطاني !!
وأنا غريب ٍ غيابه يشبه حضوره = كان الحزن خطوتي والعمر ميداني !!
ماكنت أحس القلوب تعيش مأسوره = لين أقبَلت من هواها هز وجداني !!
وقفت . . والقلب ضاع بلجة شعوره = والعين تاهت . . ومات الحكي بلساني !!
معها عرفت الغرام وعاتي بحوره = ونسيت شي ٍ قبل ما أنساه ينساني !!
لقيت بعيونها الثنتين . . ( أسطوره ) = قصة غرام ٍ تمنيته ولاجاني !!
ذكرت ذاك الزمان اللي قضى دوره = أيام كان الهوى يسري بشرياني !!
آمنت بالحب . . قبل أؤمن بدستوره = وأطلقت قلبي على فاله وخلاني !!
ورسمت في داخلي لأهل الهوى صوره = وبروزتها من ( رداة الحظ ) بأجفاني !!
دورت بين ( النواعم ) ( بنت أموره ) = ( أحيا ) على شانها و ( تموت ) من شاني !!
ماهي من اللي تجي لاجات ( فاتوره ) = تقول : أحبك !! وهي في ( عالم ٍ ثاني ) !!
أبي ملاك ٍ مابين الناس مستوره = ماسولفوا عن حلاها فلان وفلاني !!
إن سلهمت قلت أنا النظرات معذوره = الله عطاها الجمال أشكال وألواني !!
وإن سافر الحزن فيها لأخر سطوره = قلت: ( الحزن يا إلهي وين وداني ) !!
الشعر مجدول . . والخصلات منثوره = على جبين ٍ كأنه ( صبح ٍ أسباني ) !!
والعين بالسحر منهيه ومأموره = والثغر من روعته خاتم سليماني !!
واليوم عاد الغرام لسالف عصوره = ولقيت ذيك الملاك اللي تحراني !!
سألتها : الحب ؟؟ قالت : ( كان له ثوره ) = شفني من العام من تأثيره أعاني !!
وأتذكر أني قبل ما أقول ( مشكوره ) = رميت قلبي وقلت : ( أثر الهوى فاني ) !![/poem][/align]
