كنــــــــز القنــــــاعه
[align=center](( كنـــــــــز القنــــــاعه ))[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/15.gif" border="groove,5,gray" type=2 line=0 align=center use=ex num="0,black"]
لو تدري إنــّك كل ساعه على البال=والله ما فارقتني ربع ساعه
تروح وأهديلك من الشوق مــّـوال=وأجيك وألقى فــيك زود القطاعه
ورغم الشجاعه والتصــّدي للأهوال=معاك ما كنــّي عرفت الشجاعه
والهم زال وهاجس الهم ما زال=في ضامرٍ يشرح وفاه إندفاعه
ما كل ما يطري على البال ينقال=ولا كل ما ينقال كفو إستماعه
بس أنت لازم تسمع اللــّي على البال=دام الجفا .. مل الوفا من صراعه
شف دمعة الحسره على خد الآمال=وإفهم كلام اللــّي تعب من خداعه
وأبي أسألك باللــّي خلق كل الأجيال=سؤال ردّه ما يبيله صناعه
وش جاك يوم الحظ مع دنيتي مال=ودّعت من ما حب لحظة وداعه
كم لاعني همــّي على كل الأحوال=وكم شفت من ميلات وقتي لكاعه
كنت أتقهوى وأسقي الهم فنجال=وأصبر وأقول الكنز كنز القــِناعه
حتــّى لقيت الناس مع طيّب الفال=تصنع وفا صدق المشاعر صناعه
وين الكلام اللــّي طلع عكس الأفعال=وين الوفا والتضحيــّة والولاعه
أهداف رحلة عاشها قلب رحــّال=في مركب ٍ مبطي تقطــّع شراعه
فيها لقيتك كل ساعه على البال=والله .. ما فارقتني ربع ساعه[/poem]
[align=center]..
..
..
أخوكم/ نواف هلال[/align]
رد: كنــــــــز القنــــــاعه
كنت أتقهوى وأسقي الهم فنجـال
وأصبر وأقول الكنز كنز القِناعـه
صح لسانك
قصيدة قمة الروعة لي حق افتخر بك
بس لا هنت عمي
فنجال >< فنجان ؟؟؟
وما ادري شو راي
