المشاركة الأصلية كتبت بواسطة ساير العامودي
[poem=font="Simplified Arabic,5,black,normal,italic" bkcolor="transparent" bkimage="" border="none,4,gray" type=1 line=1 align=center use=ex num="0,black"]
طير الهموم
قالوا علامك غايبٍ من لك أيــــــــــام = بعض الربوع اللي يودون شوفي
والعذر ما عادل مشاريــه الاكــــــرام = لو شان وقتي واستحالت ظروفي
طير الهموم اللي على خاطري حــــام = يقرب ولا تقضب جناحه كفــوفـي
كل المناوي والهقــــاوي والاحــــــلام = ذبلت عطش واسقيتها دم جوفــي
والي لقيته من بعد عشـــرة اعـــــــوام = صبري وطيبة نيتي ومعــــروفي
وان مرت افـكــاري ترانيـــم وانغـــام = هلا على حلو النبا ياضيــــــوفي
وان كان سيف الصبر ما قص الاوهـــام = بالي على زين القبال معســوفي
يا من لك بفكري مداهيل والهـــــــــام = تجمع لك الدنيا شوارد حـروفي
العهد يلزم وانت لك عهـــد والــــــــزام = مادام راسي شايلاتــه كتــــوفي
ما طـــافني لغز التعاســـــــــة والالام = لاشك قلت لبعض الالغاز طوفي[/poem]
