ترحيبية الضالع .. بامسية الشاعر السامر ( قصيدة رائعة )
[align=center]السلام عليكم
هذه القصيدة التي صدح بها الرائع دومآ / محمد بن سليمان الضالع
كترحيب بسيط بالشار السامر .. والامير فيصل .. والحضور الكريم للامسية ..
وكنا الوحيدين الذين حصل على هذه القصيدة المميزة بالفعل ..
16 / 6 / 1427هـ
الشاعر محمد بن سليمان الضالع
..
بريدة .. والشعر
سـلام ٍ كنـه الريحـان مخلـوط ٍ بريـح الـعـود
أو المـاء الـزُلال العـذب للضميـان والصـادي
مـن بريـده يحفـه كـل ماقالـوا زهــر وورود
لكل اللي حضـر معنـا .. وليـل الشعـر وقّـادي
لكـم ياربعنـا يااهـل الكـرم والمرجلـة والجـود
لعل ايامكم كلـه فـرح .. وامجـاد .. واسعـادي
وفيصلنا ولـد بنـدر .. حفيـد المجـد وآل سعـود
نخصـه فـي تحايانـا .. ولـه الابيـات تنقـادي
زعيم الطيب .. والحكمة .. آمـانٍ بالليـال السـود
وقف حيدٍ .. نطق سحبان .. وصمت العالم الهـادي
وهلا بالسامـر اللـي ماعلـى طيبـة ونزفـه زود
أمير الحرف .. عسّاف القصيد .. الملهم .. الشادي
وهلا بحضورنا الغالي .. هلا في يومنـا المشهـود
بريـدة للشعـر والعـز هـي النبـراس والحـادي
..
وشكره لكم جميعآ [/align]
[align=center]
منقول[/align]
