قصــــــــيده صوت....وصدى,,
[align=center]هذي قصيده كتبتها في ((أبوي)) الله يرحمه ويغفر له ويدخله فسيح جناته((آميييين)) بتاريخ 12/4/1426هـ قبل وفاته بشهرين,,[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يابيت ياللي تقبـــل الجار والضيف=واللـي يـــبي فــنجـال وعــلـوم ويـــــروح
عســاك دايم في معـزه وتــشريف=ياللي على طـول الدهــر وانــت مفــتــوح
بيت ابن{..}يامدور على الكـــــيـف= لا لـيحت البــيبـان مــاهــوب مــــلـيــــوح
تزوره الشيخان من السيف للسيـف= والبن يشغـل واطيب الجـلـب مــذبـــــــوح
يابـوي ياللـي تحتمـــل للتـكـاليــف=وتصلح ولا لك من ورا النــاس مصــلــــوح
الله يجيرك من البلا والصـــــواديـف=ياللي مريض ولك طموحــات وشــــبـــوح
يابوي انا ماني براعي سوالـيـــف=لــكن قـلبــي فـيـك مغـــرم ومــــجــروح
والبيت كـــله هل دمعه ذواريــــــف=قصّــار ماأحــدٍ يقـــدر يـــجــيك ويـروح
يالايمي في بوي يحكم بك السيف= وشـلفــا تخــلك بين الأضــلاع شرشـــوح[/poem]
[align=center]
أرسلتها لأعز أصدقاء((أبوي)),,,,ورد عليّ بهذه الأبيات[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحــه جاني,, رساله,, مع الطـيف=ثارت شعوري وارتفع عندي الفـوح
سكر وضغط وصادفــــتها صــواديف=وحمامةٍ ناحت وانا مثــــــلها أنــــوح
رسالــة كتـبــت بدمــع المـــوالـــيــف= من كاتباً قلبه من الهم مجــــرووووح
يبكي ويكتب لي عن الشيــخ توصيف=والشيخ قبل الشعر والشرح مــمـــدوح
بوها بفــعل الطـيب عــدّا المــشاريف=له في مجال الطيب نظرات وطــمــــوح
واليوم جايٍ لّه مـن الله صـــــــواديف=على الفــراش بداخـــل البيت مطـــــروح
ماجــــور ياللــي يحتمل للتكــــــاليف=صـــديقي اللي رفقـــته تشفي الـــروح
نرجوا عسى اللي جاه رحمه وتخفيف=وعســــــــاه من زلاّت الايام مســـمــــوح
يابنت ياللي عرضــها مابعـــد حــيف=قولي وطولي بـــوك ماهوب مشـــفــــوح
قولي وطولي في وسيـع المــعـاريف=اللي سجلّـــــه بين الابطـــال مشــــــــروح[/poem]
[align=center]
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,
وسلامتكم,,
[glint]الدندوووووونه [/glint][/align]
