..طبعي كذاا ,, تموت يا قلبي ولا تشتكي لـ حد..
(((بسم الله الرحمن الرحيم )))
أحبتي اسعد الله اوقاتكم باليمن والمسرات ...
إليكم هذه المتواضعه فتقبلوها ...
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
طبعي كذا ل أعطيت بذل وسخاوه= ماني من الي لا عطى ينتظـر رد
وعلى النقيض اذا رحلت بقسـاوه= والله ما ارجع لابديتي بهـا صـد
اذا عشقت أعشـق بطبـع البـداوه=واذا رحلت ارحـل ولايمكـن ارد
حزين في طبعي وأحـب الهـداوه=كني انا الظميان وهمومـي العـد
عدٍ وردته دونـه أربـع حسـاوه=الشوق والشكوى والاحزان والفقد
مكتوب أعيش العمر كلـه شقـاوه=وأقاسي طعون المحبيـن والوجـد
ذقت المرار ولا عرفت الحـلاوه= والوقت من حظي للأحلام قد هـد
صحيح أنا في خير عيشة رخـاوه=والفقر ماهـو قلـة المـال فاليـد
الفقر من نمـى المشاعـر نمـاوه= ويومه اتى يجني لقى الفقر من جد
والفقر تعطي من فـوادك غـلاوه=ويطعنْك من تغلـي بسيـفٍ مهنـد
وان قلت جرحٍ مـن سبايبـك داوه=يرد في سلم الهوى الجـرح لابـد
قوّي عزومك وان تقاوىَ ابك قاوه= واصحاك تستسلم ترى الجرح يشتد
الصبر يا ناصر مع الوقت خـاوه= والا قسم تتعـب وتحـزن وتنهـد
ورديت لبسنـي زمانـي كسـاوه=كساوة الحرمـان وامقاطـع الـود
حظي ينقي لـي همومـي نقـاوه=حتى صرخت وقلت من خافقٍ صلد
ياقلب تكفى لا أتـى الجـرح أوه=تموت يا قلبي ولا تشتكـي ل حـد[/poem]
