افلام × افلام

كل واحد يكتب مواقف طريفة من حياته:mf_popean



ابدا انا اولكم ــــــــــــــــ < احتكار




اول فلم : دقت علي ميمتي (( تصغير امي مو بوحدة )):36_13_1[1
الله يخليها لي ويعافيها قولوا امين
قالت لي رح جب خيتك (( اختك)) من الكلية هذا وقت طلعتها
قلت ابشري ياميمتي
الحاصل اني رحت ووقفت عند الكلية استناها بعز القايلة :36_1_47[1
استنيت ربع ساعة ... نص ساعة ماطلعت وصلت معي اتش((يعني غضبت غضبا شديدا)) :36_1_17[1 ..... فصيح
وشوي الا ركبت السيارة وانا على طول اصرخ عليها : ليش تاخرتي:ranting2:
الا تناظر لي وشهقت هالشهقة وصرخت بعدين انزلت بسرعة وركضت لمن دخلت الكلية
وانا محتار وش السالفة ؟؟؟ وشفيها هالخبلة ؟؟؟ وليش سوت كذا؟؟؟ ـــــــــــ < انرجيت:كلوش:
المهم وانا محتار الا هاذي اختي رجعت وركبت السيارة
قلت لها : ليش تسوين كذا قالت وش سويت قلت كذا وكذا قالت والله ماهي انا
اثاريها مو اختي طلعت وحده ثانية مضيعة بالقايلة :36_11_16[



ثاني فلم : ان وصاحبي رحنا لمحل حلويات فاتح جديد وماتشوف الا الكشخة :11ypt:
المهم نمشي بجنب بعض نبي ندخل المحل انا دخلت مع الباب الا واسمع الطاخ :rocket:
واشوف الناس اللي بالمحل انفجروا من الضحك واناظر الا صاحبي على الارض طايح اثاريه لطخ بالقزاز (( واجهة المحل )) انا مت من الضحك عليه:36_1_19[1




ثالث فلم : صار معي موقف وانا صغير 14 لا 13 لا 12 سنة === يصغر نفسه:2: :2: :2:
ابوي وخوياه الشياب مجتمعين عندنا بالمجلس
الحاصل قال لي ابوي : ياوليدي
قلت : سم يبه ======= عامل فيها مرجلة
قال : جب لنا بطاريات
قلت : ابشر ====== ولد مطيع
وانا اطير وماتشوف الا غبرتي :11ight:
ورجعت قلت : خذ يبه
قال : وش هذيلي (( هذه ))
قلت : اللي طلبته يبه
قال : انا قلت جب بطاريات للرادو

اخوكم بالله جايب بطانيات على بالي الشياب يبون يقيلون:icon_redf

وهات ضحك وتعليقات من هالشياب ماصدقوا على الله يلقون لهم سالفة :36_1_19[1 (( العتب على السمع ))



خلصت الافلام اللي بعده

غرابيلوو عسى كان تسمع عدل:biggrin:


المهم يا غرابيلوو تحب العلووم الطيبه تجيكـ اعلوومي 000



هاكـ الزمان سافرنا الامارات :biggrin:


وأختك بالله ماتعرف فندق ولا غيرهـ تعرف بيت شعر بالبران ماحوله والي :biggrin:


وناخذ لنا فندق أسمه شورتوون ان كاني ماني بزاله :biggrin:


ويقوولون يابنات تشخصن الفلان بيحدروون علاكم {اي بيجوونا مسلمين مسايرر}


وانطلق للمسبح يقوون فيه أستشووار واثريني بغيت ارثع بعمري {ارثع ابيت اتماحق على عمرري }


ماطلع اسشتووار طلع مكينة حلاقه بقيت اجلد قذلتي الماخووذهـ 000


لولا وحدتن تلاحقتني ولا كان علووم 000


والله ماني بداريه هوو احد فهم ويشني ارطن :biggrin:

هههههههههههههههههه

لو انك جلدتي قذلتك الماخوذة على قولتك

كان تصبحين صج فريدة من نوعك يالفريدة


مشكوررررررررررر اختي

ههههههههههههههه ههههههههههههههههههه هههههههههههههههههههه

ههههههههههههههههههههههههه ههههههههههههههههههههههههه ههههههههههههههههههههههههه ه


<<<<<<<<<<< فاطسه ضحك,,

فكره حلووووووووووه غرابيلوووو(( مواقفك مووووت تضحك,,,بس (( موقف البطانيات شي ثاني))


أماالفريده((والله انك تحفه)) موقفك ياخذ العقل,,ياليتني كنت معك,,,والله مدري وش بيصير فيني(( بس بيدرون هل الفندق كله وش حصل لك)),,!!<<<<<<<<<<<<مفضوووووووحه



أخـــــــتكم,,, [glint] الدندوووووووونه[/glint]

أبحكي لكم كم مواقف صار معي

أول فلم (( مثل ماقال غرابيلوو))

كنت متهاوشه مع بنت كليه(( لما كانت تطبق عندنا)) وانا بالثانوي(( وتحديداً أولى)) وكنت نازله مع الدرج وهي جالسه تحت تطالعني(( شوفوا القهر ,,شكلها داعيه علي)) المهم انزلقت رجلي من بداية الدرج وأخذه على ركبتي كله وصديقتي تلاحقني تبي تمسكني(( وأنا طاير عقلي,,وميته ضحك على صديقتي اللي تلاحقني) وبنت الكليه وصحباتها يسمون علي (( ومستغربين مني يوم أضحك)) المهم أول ماخلصت أخر درجه قمت عادي ولا كنه شي صاااار(( وانا ميته ألم))عشان ماتستانس بنت الكليه واللي معها,,



ثاني فلم((كان عندنا حصة(( تدبير)) ومدرسة الماده طيبه(( مووووت)) وكانت تتركنا على راحتنا المهم وحده من صاحبااااتي قريبتها بتجي زياره في ذاك اليوم(( وانا ووحده من صاحبااااتي عند السبوره قاعدين نكتب فيها)) اللي صار صديقتي(( اللي قريبتها جايه)) مرت قريبتها من عند فصلنا وانا ابي أشوفها(( صديقتي صاحت علي وقالت لي مرت)) وبدون مااحس(( ولاأحم ولا دستوووور)) طلعت برا وشفتها أستاذتي قامت,,, ((واتقوا شر الحليم اذا غضب)) وانا برا وأخذتني بشعري,, وتهاوش فيني وانا ميته ضحك ومستغربه وش حصل فيها,,وادعي على صديقتي,,بس بجد موقف حيل ضحكني,,


(( وللمعلوووووميه أنا أضحك على كل شي,,,,حتى لو ماهو ذاك اللي يضحك,,,بس انا كذا الحمدلله))

والمواقف كثيييييييييره,,,,بس لايحضرني الا هذه الأن ,,,أذا تذكرت,,فأسمحوا لي مرة أخرى,,أن أشارككم...

ودمــــــــــتم,,



[glint] الدندووووووونه[/glint]

هههههههههههههههههه

موضوع تحفه ومواقف رائعه

وانا خوذو مني هذا المأزق اللي سويته في امي

انا طبعي اكره العالم اللزقه .. اللي اذا دخلوا بيتنا ما يطلعون .. او انهم بلشه كل يوم وهم عندنا

كان بجمبنا جارة مغثه كل يوم عندنا عاد ننشبلها امي ..

البلا عندها بنتين الله لا تبلانا سكاني <== يعني بسم الله علينا

عاد انا ضقت ذرعا بهذا الوضع .. وعاد انا اذا عصبت ما ارحم

عاد البنت مسويه بنت البيت رايحه جايه ومغير تعدي .. وتهبلش .. انا اندبلت تسبدي منها

وقمت اترصد لها .. وابي استفرد بها بمكان بعيد عشان محد يسمع حيها لا اغتلتها

واتصيدلها عند باب غرفتي تحوس هناك توها طالعه منها

يوم شافتني والا ترز كراعها وركضت بس على مين

وامد رجلي واخرثعها .. والا اشوف البنت طايرة بالجو

<== محد قالها تسرع يقولون في العجلة الندامه

ثم طبحت على راسها والارضيه كانت بلاط يعني يوجع

واول ما قامت المضعوفه بأعلى صوتها تقوول بعلم امي عليتس

انا اعرف اللي يصيحون ما عندهم القدرة على الكلام تخنقهم العبرة بس ذي لا

وثم ترز كراعها مرتن اخرى وانا اقولها يا بنت الحلال اصبري خل نتفاهم انتي تخرثعتي بالزوليه

بس يا طلعلها صعرور مثل افلام كرتون جعلها ما تثور

وراحت فشلتني قدامهم .. وامي غدا وجهها هه <== يعني صغير ..

وتسن وجه الام انقلب .. وزعلت .. انا قلت ازين فكه

وما جاء عصر بكره الا وهي طاقتن بابنا هي وبنتها ام صعرور وملبستها خفاذه <==يعني درع وقايه يعني لو اقنبلها

ما صار لها شي

ترى كاتبته وانا مستعجله ما امداني احط أيقونات

شاكره لك

هههههههههههههههههههه هههههههههههههههههه هههههههههههاي,,

أطيااااااااااف// الله يعينكم,,,,ولايجعلني مكان أمك بيوم,,



ودمـــــــــتي,,



[glint]الدندوووووووووووونه[/glint]

:biggrin: غرابيلووو ،،،دندوووونه والله من الشماتة فيني

:biggrin: اسلم مواقفي ايام الدراسه الله لا يعيدها




هاك اليوووم راحت علي نومه ولا صحيت الا سبع الا ربع



واقعد اخب واطيح اخب اركض يامسلمين :biggrin:



وكان علي اختبار رياضيات



ومستعجله واتشخص سريع سريع واطلع للمدرسه عاد هناك الطامه الكبرى :biggrin:




وادخل الصف مع بداية الحصه وجيت ابي اشارك ما انتبهت لنفسي :mf_popean



ما شفت الا بنت عمي تقول ليتس في مكانس ما قمتي :biggrin:




طلعت جايه المدرسه بزنوبات الحمام :biggrin:

بســــم الله وعلى بركةالله .... قبل ما أبدا بليز بدون شمااااته ... وقولوا الله لايبلانـــــا


أســم الفيلم : اللي موقد السهر لا يسهر

بطولـــة : انا الله يحفظني , ولد خالتي التحفه , حارس مدرسة البنات العم حســن

في ليلة مقمرة من ليالي الصيف الباردة خخخخخخخـ المهم تعرفون مع فرحة الاجازة

<<< صقعها يمين الا يسهر المهم وعلى أنغام كراش طوال الليل <<< الله يرحم بلايستيشن 1

المهم معاي ولد خالتي التحفه ومسوين المغامرين والله وجالسين

والوالدة كل شوي تصيح ياولد قم انخمد بكره وراك قومة عشان تروح تجيب الشهادة

<<< يسمع من جهة ويطلع من جهة

المهم ولمن دقت الساعة الخامسة صباحا بتوقت جدة وينفتح فم صاحبنا 10 سنتيميتر بالطول

وقمت اشوف شاشة التلفزيون شاشتين ... ولمن جات الساعة 9 والوالدة فوق راسي قوم وانا اقول طيب

المهم جات الساعة 10 وانا بفراشي وتتهور الوالدة اللي يحفظها وتسوي لي حركة اندر تيكر <<< قديم خخخخخخـ

واقوم ووالله ما ادري كيف وصلت المدرسة والله حالتي حالة المهم بحكم اني ادرس بمجمع فا المباني متشابهة

وقريبة من بعض المهم وانا نازل من السيارة اقفل ازرار ثوبي شفت اكثر من بنت عند الباب شكيت بالموضوع

بعدين قابلت واحد من اخوياي قطعت الشك المهم وخويكم مدرعم نحو الباب ولمن شارفت على الباب ناوي ادخل

الا والحارس شادني مع قفاي وعطاني كف حلاقة قال لي على وين يالحبيب قلت له ابد باخذ شهادتي وطالع

قال لي شكلك تنكت المهم وااشتد الوطيس وشمرت عن ساعدي الا وتجمعوا الناس ونزل ولد خالتي بيفزع

والناس يقولون وش القصة المهم عطيتهم القصة الا واحد قال لي اقر اللوحة والا اقرا المتوسطة الرابعة والاربعون ( بنــات )

المهم وجهي طاح بالارض ووالله ما عرفت وش اقول والمشكلة كل الناس يعرفوني والبنات يضحكون ... بس والله

موقف ما انساه كان من احلى الذكريات بالمتوسطة .... ووالله ما كتبت حرف من نسج الخيال كل الكلام اللي قلته حقيقة

تحيـــاتي

الدندوووووووونة جعلك دوم تضحكين قولي آمين ==== بس لاتفطسين علينا

ام موقف الطيحة حلوووووووووو مره يصلح فلم كرتون وحدة تطيح وهي تضحك === ياشماتة بنت الكلية فيك

اما الموقف الثاني يثبت هالمثل ((اتقوا شر الحليم اذا غضب))

شاكر مرورك وبانتظار مواقف منك تفطس ضحك

أطياف محمد

شكلك هاك اليوم قالبه بيتكم حلبة مصارعة

في مثل يقول الدار دار ابونا والغُرب يطردونا ههههههههههههه

الله يعينكم على هاللزقات ==== شكلهم لزقات جروح


شكرا على المرور والشرطة والدفاع المدني

الخجووووووول

والله سالفتك هذي تموت من الضحك

شكلك تمشي وانت نايم وماصحيت الا من كف الحلاقة حق الحارس

ههههههههههههههههههههه

تصدق وانا اقراها اتخيل نفسي مكانك

معذور ياخوي مضيع من السهر

الفريدددددددددددددة

اللهم لا شماته

بس فيه وحدة ماتفرق بين السشوار ومكينة الحلاقة

ههههههههههههههه

الفريددددددددددة

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههه

بالزنوبة عاد

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههه

مت من الضحك امي تسمعن اضحك بالغرفة جتني تقول وش فيك انهبلت

قلتله لا قاعد اقرا نكته

الله لايحرمنا منك ومن مواقفك

ههههههههههههههههههههه هههههههههههههههههههههه هههههههههههههههههاااااااا ي


الفريده,,,,,(( يمدحوون الغياااااااب)) بس زين انتس لبستي مريولتس ولا كان(( مهويه وبقووووووووووووووه))


فشلتي بنت عمتس أكيد تبرت منتس ذاك اليوم,,,



الخجووووول,,هههههههههههههه هه ههههههههههههههههههه هههههههههههههههههه

والله العظيم ياموقفك,,,انه غير شكل,,,,نعنبو من لامك,,

((والله لتبطي مانسيته,,,

بس بجد ,,,يجنن,,

<<<<<<<<<تقووول شكلك محشش ذاك اليوم,,,بس الكف لعب دوووور,,,

غرابيلوووووووو,,,,,,,, فكره حلوووووووووه ياليت اللي في المنتدى كلهم يشاركونا,,


ودمـــــــــتم,,


[glint] الندوووووووووووووووونه[/glint]

حباااااااااااااااااايبي,,,� �ستلمووووووو,,


في الكليه أخر سنه كنت أنا وثنتين من صديقاتي طالعين من أحد مباني الكليه وأحنا ماشين قرّبنا من الباب اللي بيدخلنا المبنى الثاني وأشوف ثلاث من زميلااااتي في القاعه مقابليني يبون يدخلون المبنى اللي كنت فيه,,
بين المباني عند الباب من كل صوب((درجتين)) مدري وش خلاّ عيني ماتنزل من وحده من زميلاتي اللي مقابليني تخيلوا من يومها تمشي باقي مترين عن الباب وهي تدوّر بعيونها شي تتمسّك به وماقرّبت عند الباب(( وهي باقي تشوف)) وتاخذ مع الباب تمرجاح,,أنا شفتها ولاّماشفتها مت عليها من الضحك وصحبااتي كلهم اللي معي واللي معها فاطسين من الضحك عليها<<والله العظيم أخذت لي فتره كل ماأقابلها أمووت ضحك(( كنها طايحه أمس*)),, عاد الله يعينها كل يوم أقابلها,,,مافكها مني الاّالتخرج,,,


** كان عندنا مدرسه سودانيه((الله يرحمها ماتت في حج هالسنه عند الجمرات))لاول مره تدرسني أخرسنه ولاتدرون متى تشرح ولا متى تهاوش ((والله العظيم أحياناً مدري هي تشرح ولاّ تخانق)) طبعاً انا ماأحب أحضر بس لأن محاضراتها ((فله)) ماأحبها تفوتني((ألا حظ القاعه ذاك اليوم زحمه,,وأشوف زائرااات باقي,,للوناسه بس)) واذا حضرت أجلس مع وحده من صديقاتي أخر القاعه على الأرض ونسولف بس أذا صار أي شي نقوم ونضحك ونرجع مكانّا,,
المهم في ذاك اليوم الأستاذه تهاوش ووحده من صحباتي قدامي تقول أبستأذن وأطلع((صاحبتي هذي نفسها شينه,,وماتحب أحد يحرجها<<ماشافتني ماأفكر في بنت أبوها
قلنا لها الوضع مايطمِّن المدرسه تهاوشنا ماينفع ماراح تطلعك اذا هدت استأذني ((ولأنّا بجد الله يرحمها ماكنا نفرق تشرح ولاّ تخاصم)) صاحبتي قامت لعندها لاصقه فيها وتنادي أستاذه,,,أستاذه,,أستاذه,, أستاذه لو سمحتي((ماخلّت أسلوب زين الا جابته))والاستاذه موب يمها قاعده تشرشح مجموعه دابلينن تسبدها,,أخر شي صديقتي تدق بأصبعها كتف الأستاذه((شكلها دقتها من قلب)) الأستاذه ألتفتت فيها وصااااااحت فيها ((آآآآآه شنو)) بكل برود أستاذه ممكن أطلع أجيب لي موووويه!!!!((قاامت المدرسه وحطي حرتها في صديقتي اللي أنتهت المحاضره وهي شغّاله تقطيع فيها وأنا ميته ضحك عليها,,,لأن شكل وجهها تغيّر 180 درجه,,,<<مدري ليه كنت أراقبها من يوم قامت لعندها شكلي متوقعه لها هالشي,,

**وحده من صاحباتي كنت أطلبها تجيني وكلمتها بيوم من الأيام وقلت لها تعاليني قالت خلاص عندنا عشا أذا سروا الضيوف بأجيتس المهم كلمتني الساعه 12,30وقالت ((خلي أحد يجي ياخذني لأني أبي أجيتس وخايفه أجي لحاااالي ,,بحكم أنها بنت جيرانـّا ومابيني وبينها شي قلت لوحده من أخواتي أنا براقبك من عند الباب وانتي روحي جيبي فلانه
وافقت أختي وأعطيت صديقتي خبر تطلع عند الباب لأختي,))صديقتي بوها نايم وأعطت أمها خبر وأخوانها تحسب أنهم راحوا للأستراحه يكملون سهرتهم كالعاده وتطلع بعبايتها بسرعه مع الباب الثاني لأنها ماتبي تطلع من باب الحوش لأن بوهاا نايم فيه وصديقتي مدرعمه تبي تطلع وتشهق ذيك الشهقه يوم شافت أخوانها كلهم حتى اللي من بوها وخوالها كلهم مكملين السهره بالبيت(0قال أخوها على وين أنشاء الله ولأن حكمتها في الحياه ,,خذوهم بالصوت لايغلبونكم,,,صاحت فيهم وقالت صديقتي تعبانه وأبي أشوفها ورحمها ربي انها جايبت لي معها ورق عنب لانها تدري اني أموت فيه وقالت هي تبي مني ورق عنب وشوفوا أختها عند الباب المهم أختي مسكينه المهم انا خفت وشفيهم ماجاوووو,,أوووول ماجاو كانوا ميتين من الضحك ولما حكّت لي كيف صدمتها اللي ماحسبت لها حساب...<<<صاحبتكم ماتت ضحك على صديقتها

ودمـــــــــــتم,,




[glint]الدندوووووووووونه[/glint]

الدندوووونة استلمنا
في الكليه أخر سنه كنت أنا وثنتين من صديقاتي ............. شكلك عطيتيها عين هههههههه
كان عندنا مدرسه سودانيه............. وناسة ماتقل انكم بمحاضرة جلسة على الارض وسواليف مافيه فصفص وشاي
وحده من صاحباتي كنت أطلبها تجيني ............. مسيكينة خويتك لولا الله ثم ورق العنب كان راحت فيها
يسلمووووووووووا