عرض للطباعة
بسم الله
[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سلام والي تشيله عظامه يجي بعطيه درس ٍ فالقوافي جديد=درس ٍ من الشاعر اللي يعرف البحور وسابح ٍ في وسط غباتها
وين انت يالي تغوص البحور السبع يابو عظام ٍ فالمواقف حديد=ٍقدمك وقف واحد ٍ مايهاب الخطر يسري اليال السود ماباتها[/poem]
الله الله الله
ياسلام سلّم يالرويحي
طاروق غير شكل والظاهر يبي يبطي ماحد رد عليه هههههههههههههههه
لاكن رد لي خبر اذا ماحد رد عليك وانا جاهز :)
ولحن غير من شاعر غير
تحياتي وبأنتظار شعراء غرابيل
الرويحي
صح لسانك ولاهنت
عدني بالصف ولايهون الخصم
وباتظار الاخوان
تحياتي
حامل الرآية
ياسلام
صح لسانك يالرويحي على هالطاروق
وننتضر بعيد المراميس
صح لسانك يالرويحي
وش هالطرق الكايف اغنيه من الاشاره الاولى لين وصلت بيتنا
اذن الله يطرحك في بعيد المراميس
وبالنسبه للناشئين خلهم على كيفهم لاتعاين فيهم مره
تحيااااتي
سلام عليك وننتضر الشاعر القادم
يامرحبااا ومسهلا يابعيد
فكني من شرك انت (:
وانا ادري ان اللحن مايفوتك ولايصعب عليك لكن ادخل على الله لاتقرب هالحين
تحياتي لك
ياحي الله حامل الرايه
دامك فالصف ماعلينا خلاف
الله لايهينك
انت تواجدك يكفي وشلون لو تقف بصفي
تحياااااتي ألك
ربح يامرحبابك
صح بدنك وبعيد لي الشرف اللعب معه لكن انا ماحددت
ولو ابي انتحر كان طلبته بأسمه
لكن الاخوان فيهم الخير والبركه وكلكم شعار كبار واتعلم منكم
تحيااااتي ألك
هههههههههههههههههههه
يامرحبا بصتمان صديقي
بس لاتدعي على ببعيد اذن الله يشغله بمحاوره ويفكني منه
وهين بالنسبه للناشئين مالد النظر فيهم مره مره (:
تحيااااتي ياصتمان
وعليكم السلام والرحمه ياتراحيب
ننتظر وانشالله يجيب الله مطر
انت محد جاك لهالحين
اعووووووذي بالله
هو يااما طرقك هذا مايغنا مره والا ان الريجيل ذالين منك
عاني ابمسك طريق الباينيه ولانيب جاي غير بكره المغرب
وان مالقيت احد راد
ان مارديت علاك والا
عطيتك مسدس ربع
ومشط
وبشت حساوي
وسكروب مربع
والباقي اعلمك ابه بكره
والظاهر اني برد مار بكره انتفاهم
صتمان خل الرويحي يسمح لي ارد عليه وابشر بالرد هالحين :)
لانه يقول لاتقرب الطاروق وانا ملتزم الصمت الى حين ....
السلام عليكم ورحمة الله وبركاته
قبل البداية هل بيتي على الطاروق ولا لا على شان اكتب البيت الثاني؟
وان كان بيتي على الطاروق لا ترتبط بي والمجال مفتوح للحاضر من الشعار يا كود العتيبي زعم هههههه لنّي مدري عن ظروفي والعتب على قراية النت لو كانت مسموعه كان ما ازريت الحنها
[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
يا مرحبا من هجوسٍ تجيد الجديد مْن القوافي ما تمل النشيد=ترحيبةٍ تاصلك وين ما كنت يا بْن القرم ما تخطي حساباتها[/poem]
أخوك/ محمد بن إبراهيم السهلي
السلام عليكم ورحمة الله وبركاته
والله ان لي مدّه مادخلت المنتدى لظرف طاريء
ويوم دخلت اللاله وشفت موضوع الرويحي اللي هيضني شوي قلت خلني ارد عليه
ولاّ كل شعّار غرابيل كفو ولابهم قصور وترا طول البيت وقصره ليس بمقياس للشاعر و لايمت لشاعرية الشخص بصله
لكن المشكله ان البيت مقروء وليس بمسموع يعني لو ان الشعار اسمعوه وثبتوا لحنه ماكان احد بخل بالرد عليك ..
<<<تقوله وليتك تثبّت اللحن هههههههه
يبقى جوهر الشعر فالغزاره والمعنى حتى لو ان البحر بحر الكسره القصير هو اللي يبيّن شاعرية الشخص من الاخر
من خلال قوّة كل بيت ..
<<< ماتسن هرجك زاد وصرت تفلسف
استلم استلم و تراني محموم لي يومين وعظامي تراقل برويّد وعلى هونك
[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
من هاجسي مرحبا ترحيبتن تاخذ وتعطي سمين ماتمّد الزهيد=ياللي تحسب البيوت وطولها للشاعر الداهيه وطول نبراتها
كان انت تعطي دروس الشعر وش خلّيت لحبيّب العازمي يالبليد=قم ياعسى الله يعينك يالرويحي من بلا بقعا ومن قوّ صكّاتها[/poem]
الضيف اللي جانا جديد
اول شي حياك الله
وبالنسبه للحن مايحتاج ميه ميه
والله يحييك في منتداك
والظاهر انك من ربع بعيد المراميس (:
يامرحبا ياسلطان
واهم شي رجعتك لنا بالسلامه
وكل كلامك اللي قلته على العين والراس
وانا ماجيت اتعسر او ابي ابين شاعريتي
لكن حبيت اجيب هالطاروق مجرد تغيير لاني ماشوف احد لعب عليه
غير اخوي بعيد
ولاهي مسأله تحدي ولاشي ولايغرك العنوان تراه مقتبس (:
وفي الاخير
حاول مره اخرى يمكن يجي معك اللحن صح
تحياااااتي ألك
صح لسانك يالرويحي جزل ومتمكن ماشاء الله عليك
وننتظرك يالسهلي وننتظر محاورة متميزة
سلام يالرويحــي
عزالله انه جاك الرجال مار مالله كتب
والا كان نحظر حصه رهيبه لتدريس اللغه اللاتينيه
انت تحدى انت ووجهك
والله لوني اعرفه اني لكلمه هالحين
انت ماتبا زعم
هين
بس خلاص
بعيد المراميس خلك طنيب *** تراني بحاجتْك يالأجـودي
استلم يالرويحي لا عدمتك خفّ عليّ تراها اول مْحاوره لي
[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
يا مرحبا من هجوسٍ تجيد الجديد مْن القوافي ما تمل النشيد=ترحيبةٍ تاصلك وين ما كنت يا بْن القرم ما تخطي حساباتها
ان كنت تعطي دروسٍ بدينك ترى كلٍ بنى مسجد وصلى وحيد=نوبٍ يصلي ونوبٍ شغل خاطره في غمة الدنيا وْمصيباتها[/poem]
اقتباس:
يامرحبا ياسلطان واهم شي رجعتك لنا بالسلامه
الله يسلمك ولاترا مكروه فالقريب والصحيب
اقتباس:
وانا ماجيت اتعسر او ابي ابين شاعريتي
وانا ماقلت انك تبا تعسر الامور وتبيّن شاعريتك انت استاذ ولاتحتاج لشهادة واحدن مثلي تلميذ :wink:
اقتباس:
لكن حبيت اجيب هالطاروق مجرد تغيير لاني ماشوف احد لعب عليه
غير اخوي بعيد
فيّ وفيكم شوفة الله انت واخوك بعيد :biggrin:
اقتباس:
ولاهي مسأله تحدي ولاشي ولايغرك العنوان تراه مقتبس (:
اثاريه موقتبس وانا مادريت عنوه ............................ ويحي :biggrin:
اقتباس:
وفي الاخير
حاول مره اخرى يمكن يجي معك اللحن صح
والله ان شاء الله انه ليجي صح وهو مايشوف الدرب :biggrin:
استلم استلم البيت هذا ثم ان ماجا صح على قولتك تراني أعلن من هذا الصرح الشامخ اني ماقدرت اضبط وزن بيتك ولاقدرت اجيب لحنه :biggrin:
[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
جيناك بالبيت ياشاعرن ضاري بمد الوفا ثم هاك وزن القصيد=لكن يامحمد ٍ ياسهلي ازهل صفوفك وانا كبتن مباراتها[/poem]
هـ العب العب انت والسهلي ..
محمد السهلي تراني ماسكن صفك وعليك بالرويحي هذاه لايفص شبر هههههههه
<<<<< يبا الفكّه :tongue:
تحاياي لشخصك الكريم :)
يا مرحبا يا سلطان تراحيب المطر
كيف حالك؟ عساك بخير..
قدرت تظبط وزن الابيات والشاهد الله
على قولة الرويحي اللحن مايحتاج ميه ميه
وجودك بصفي فخر يالسنافي
سلطان حاول مره اخرى :biggrin:
الله الله يالسهلي
والمعذره ان كاني تأخرت بس والله مادريت لكن استلم
[poem=font="Simplified Arabic,5,blue,bold,normal" bkcolor="transparent" bkimage="http://www.sfsaleh.com/vb/images/toolbox/backgrounds/1.gif" border="none,4," type=2 line=0 align=center use=ex num="0,black"]
دام البقا يامحمد وقسمك عساه مع اليالي ياعميلي يزيد=انته على نيتك والعرب ياعميل الخير مدري ويش نياتها
الضيف له حق في سلمنا وانت حقك عندنا واجب وراين رشيد =لكن شد العزم يامحمد ونفسك لاتطاوعها بمشهاتها[/poem]
ما ابطا من جا واستلم
[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
كلٍ كِتِب له نصيبه على جبهته من يوم خلقتْه وْعنه ما يحيد=وانا على فطرتي والخلايق تجازى بْحسْب ما تخفي سريراتها
لا تتهمني بظلم المسِلمين واخْذ العلم مني جعْل ما لك عضيد=نفسي تروم المعالي تشوم الدنايا ما امْتثلت لْسوّ رغباتها[/poem]
صحت قلوبكم
ومتابع لكم هنا
اشكرك على المتابعه يابوعبدالرحمن
الله لايهينك
استلم يامحمد
[poem=font="Simplified Arabic,5,blue,bold,normal" bkcolor="transparent" bkimage="" border="solid,4," type=2 line=0 align=center use=ex num="0,black"]
هذي نصيحه وانا ماتهتمتك بتهمه ياعميلي جعل عمرك مديد=من شاف جور اليالي يحسّب حساب الوقت والدنيا ودوراتها
لانامت ام الكباير صحت من بعدها ياكبير الحظ ام العبيد =شف ميت الناس يالاجودي ياكل الحي وحياة الناس لامواتها[/poem]
صعبه صعبه صعبه
ونتم قدها وقدود
حياك الله يارحاب
وشاكر لك مرورك
الله اكبر عليك يالرويحي
اي والله من اللي تشيله عظامه
صح لسانك وبيض الله وجهك
اطربتنا بالطواريق الحلوه
وصح لسان اخوي محمد كفى ووفى
شاعر كفو وفعلا استمتعنا بمحاورتكم
لكم التقدير
يامرحبا ومسهلا وصح بدنك يابو خلود
ووجهك ابيض
الله يطول عمرك
شرفتني بحظورك الله لايهينك يالغالي