نجـــــــاح المســـــــاعيد
الــــســـلام علـيـكم ورحمـــــــــة اللــــــــه وبركــــــاتـه
اهداء لكل محبين منتداء غرابيل .....؟
[poem=font="Simplified Arabic,5,blue,normal,italic" bkcolor="transparent" bkimage="" border="none,4," type=1 line=1 align=center use=ex num="0,black"]
تكفى يابو بداح اللحق على سعيد=اصبحت مجنونً وانا كنت صاحي
واللى خذت قلبي نجاح المساعيد.=من شفتها غنيت لاحي يالاحي
ياشبه وضحىً كسرت المفاريد=اربع سنين وطووفوها اللقاحي
عنق الفرس اللى شعفتها البواريد=تطرب على صوت النمش والصياحي
قامت تبختر في ضحى ثالث العيد=وتجر قلبي في جميع النواحي
ولا العيون اعيون طير الصناديد=اللى يجيبه خان ماهو بسياحي
ولا عيون اللى طرح بالجلاميد=حداه جوعه للحمامه وطاحي
ودك تخشه من عيود الحساسيد=لاشافته جاها لشوفه شافحي
لاروحوا به مشفقينً على الصيد=في روضتن ريح النفل تو فاحي
ولاحت بعينه الحباري الملابيد=قام يتشحط شاف برق الجناحي
من كف راعيه كفخ واطلق القيد=يعرف طبيعتها ولابه مراحي
واقفت وهو اقفى ولافيه تبريد=رمعت جناحه كنه البرق لاحي
لاحولت حول واذا زادت يزيد=كنه يقول اليوم مابه سماحي
ماهو غشيمن بالهدد اثره معيد=ارهى عليها وسل حد السلاحي
لاطقها جاتك مثل لقفت الحيد=.من ضربته كنها صويب الرماحي
هذا ترى ماقلت في تلعت الجيد=يسعد مساهاء في المساء والصباحي
وارجوا السموحه يانجاح المساعيد=ان كنت مخطي طالبينك سماحي[/poem]
سلامتكم
