(جيتك وقلبي يسـبـق الشـوق وخطـــاي ) !!
السلام عليكم ورحمة الله
اطرح بين اعينكم هذهـ
المتواضعه عسى ان تنال
استحسانـ ذائقـتكــم ؛؛
[poem=font="Traditional Arabic,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
جيتك وقلبي يسبق الشوق وخطاي=جيت اتدارى تحت فيّة جنانك
جيت اتناسى بضحكتك قصة ابكاي=جيت انهزم لك وتوارى فمانك
جيت اتلاشى بنظرتك وعزف الناي=بنغمات صوتك قولي العزف زانك
جيت اتبلل كاسةٍ وأنتي الشاي=جيت ارتشف من قلبك أشرب حنانك
جيتك وقلبي شايله بكف يمناي=جيتك وعمري مقدمه في رهانك
قصة غيابي! مامحت حب وياي=حبٍ صدوقٍ صافيٍ فيك صانك
لوغبت ماغبتي ابد وأنتي جواي=ياثالث الغالين قلبي مكانك
ياآخراحباب الخفوق المشقاي=ويااول آخرهم خفوقي أدانك
أنك تمكنتي وعرفتي مهاداي=حتى خذيتي خافقي في بنانك
لين انصدمت البارحه فيك عزاي=صدمه جليله حطمت كبرشانك
جيتك وعوّد خاطري يشكي الجاي=دمع الالم والليل وقسوة زمانك
من عقب ماكنتي الدواصرتي الداي=البارحه بانت حقيقة هوانك
البارحه شفتك بلوحة مراياي=وكسرت بالبيت المرايا عشانك
لاعاد ابي شوفك ولااسمع مناداي=بخون قلبي مثل مالحب خانك
روحي فمان الله ولاحل طرياي=شبي شموع الجرح وسلي لسانك
وسلامتكم[/poem]
