شيـــــــبووووووب * عنـــــتر
اعزائي اهل المنتدى الله اعلم بنشغالي في تطورات الالفيه :> لكن لحرصي على هذا المنتدى واللي فيه احاول اني ما انقطع بشكل مستمر عنه
ولكم اطيب التحاااياااا وتقبلوووووووو هذا الاهدى
شيبوب مات وهو شيبوب شيبوب
لكن بلاك ان عنترة صار عنتر
ياصاحبي جاك الخبر رد مكتوب
اصابعك من القلم ماتبتر
وان كنت عجزانٍ انا ادز مندوب
يجيك في بيتك وتمليه دفتر
بس لاتعاندني وانا جد منكوب
لاصرت دكتورٍ ابيك اتدكتر
مليت كاتم فيني اشياءٍ اتذوب
مثل الليالي للعباد اتستر
ياصاحبي شعّارنا بعضه <حبوب>
ياكل ولكن في قوافيه <خنتر>
تلقاه دايم في لياليه متعوب
سهران لاخرها ولاجاد هتر
مادمت شاعر فأنت بالناس مرغوب
عليك تزيين الصور .. وتغتر
مابيك تعميها وتكتب بمشروب
ابيك صاحي والمعاني تبختر
وان كان حسيت بخطا صاحبي توب
عليك في حبر المزيل الكركتر
ايه انت في ساحات الابداع مطلوب
لايزعجزك منهو علاّ الصوت ينتر
لاصار لعّاب الكره همه الطوب
عليك تحريك الكره وانت سنتر
ولاصار عاقل بالهوى حب رعبوب
اعرف على اخر حياته يهستر
مامات لكن حس الاضلاع لاهوب
مابينها نيران الاشواق تحتر
تراي في صوبي انا وانت في صوب
للأفضل اسعالك وبالاخر اختر
اليا متى تبقى عن الناس محجوب
اليا متى وانته حواليك تفتر
مابك مرض حتى اعالجك بطبوب
ولا عاد تحتاج لرعايات سستر
لكن بلاك ان الفكر فيك مكروب
عجزت وانا اقيسها لك وامتر
ياصاحبي .. شيبوب ما حب شيبوب
لعيون علبه اشتهر صيت عنتر
