الألفيه ...... مصافحه اولى
[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
الألف : أألف من جزيلات الأبيات = واخذ صميل القاف واسلا الخفيفات
وابحر في ( يم ) الشعر واقطع مسافات = والكيف لاسن البحر زاد صيده
الباء : بدالك مالقينا بدالك = أنت الغلا وسر الغلا في جمالك
خذيت من جل المحاسن خصالك = مشمول وصفك والمزايا عديده
التاء : تراني يااريش العين غادي = دونك جيوش الهم طالت فؤادي
لاقلت ابسلا مايفيد التفادي = ارحم خفوقن زاد همه وريده
الثاء : ثلاثه في مكاني رمني = الأوله يوم الغضي غاب عني
والثانيه في صاحبي خاب ظني = والثالثه ثلثين قلبي يريده
الجيم : جالت في منامي كوابيس = مثلبها الشيطان والمخرج ابليس
هم زود همي في منامي هواجيس = راجيك يالمولى عسا انك تبيده
الحاء : حالي من هوا البال حالي = ضيم واسا وهموم والزين سالي
ليته درا عني وعن اللي جرالي = حالي بدونه لا ولا هي سعيده
الخاء : خيانه في خيانه كلامك = يومك نقضت العهد قلي علامك
ليه ابغيابك مالفاني سلامك = وانا هقيت ان المواصل تجيده
الدال : دارك كل يومن ازوره = واذكر ليالي راحت اليوم دوره
به نشوة الخفاق محلا شعوره = مع هاجس الذكرا ذكرت الوديده
الذال : ذلي من شقا الهم ذلي = ودموع عيني من فراقك تهلي
فرقاك ياسيد المها زاد غلي = مشتاقلك مار المسافه بعيده
الراء : ربي ينظر الحال ويشوف = طبعي حياوي والحيا علة الجوف
واخاف من بوح الغلا يجلب الخوف = حالي جداها البين وصارت وحيده
الزاء : زمان اول حلاته يعودي = يوم العرب مرباعهم بالنفودي
في صحصحن مافيه روف الحدودي = وقتن مضى مافيه ( موضه ) جديده
السين : سالت دمعتي فوق خدي = يوم التفت وشفت انا الوقت ضدي
جرح المحبه بيّح اليوم سدي = مجروح قلبي من فعايل وديده
الشين : شيّن يجرح القلب مبغاه = يالو قلبي بالمحبه تمناه
لنساه انا وانسا مع الوقت طرياه = ولا بارك الله في خفوقن يريده
الصاد : صدك عننا أزمة اعناد = واليوم من صدك ترا القلب معتاد
هذا عنادك يامنا العين مافاد = ماهمني يازين لوك تزيده
الضاد : ضدي وقف الحظ والفال = والهم في صدري على هيئة ارتال
جيش الخطر في داخل الجوف يغتال = واضعف ضعيفن في طغاهم وليده
الطا : طريق الحقد يقطع بالأجناس = ودرب الردا مبداه مع صبة الكاس
ولاّ الكرم والجود والطيب نوماس = وراع الوفا دايم صفاته حميده
الظا : ظريف الظل بانت نواياه = مايدري اني فاهم اليوم مغزاه
انا اشهد انه بالفتن تمشي اخطاه = ذاع الفتن مثل الخبر بالجريده
العين : عيني في نظرها الهوا هم = ياكم حبيبن من حبيبه تألم
ياللأسف بعض البشر مابها دم = تنصب على جال الولايف مكيده
الغين : غير الصيت مايرضي العين = آحاذر الميلات وآجنب الشين
الطيب ماياتي من شهور وعامين = والجود عسرن عالوجيه البليده
الفا : فلا والله ارضى الهزيمه = يالو حبل الياس هد العزيمه
ملزوم اكافح للأمل بالعزيمه = واقطع حبال الياس لو هي عتيده
القاف : قافي من مواعض حياتي = شفت الحقيقه من معالم غناتي
هي عبرتن كنت اعتبرها غلاتي = واليوم اعاني من عناها قصيده
الكاف : كان الشوق عالكيف غلاب = وصورة خياله عاودت بين الأهداب
عزالله اني ماني والخير يااصحاب = انا اشهد ان موتي على راحة ايده
اللام : لا لا مااجيله وانا حي = خلاص ماله في خفوقي ولا شي
نسيت انا ذكراه مع ذرفة المي = فرقاه عني سعد قلبي وعيده
الميم : ماله بأطرف البال طاري = وترحيل وده مع ضما الشوق جاري
عزّمت هجره واتخذت القراري = وماله أمل في ساعتن نستعيده
النون : نوم الليل ماطاب للعين = حالي شقيه والسهر زادني شين
ماعدت اطيق بواقعي كثرة الدين = مديون ودي مفلسن عالحديده
الها : هيامي خوّة الناس الأجواد = اللي على فعل المواجيب ذواد
واللي غلاهم يوم عن يوم يزداد = منهو شراهم ماخسر في رصيده
الواو : وينك يامنا العين وينك = ليتك تجي وتشوف حالي في عينك
البال رايق ماوقع في .. كمينك = والحب من شرواك ماعدت اريده
الياء : ياليت الهوا فيه قاضي = وش ماحكم في حكمه البال راضي
كانه خذلني المهم .. اتعاضي = صحيح من قال المواقف مفيده
هيكل الشمري[/poem]
