السلام عليكم ورحمة الله
دمتم بكل ود ؛؛
[poem=font="Traditional Arabic,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
عيني جفت ماغضت الليل بنعاس=سبّة همومٍ ضيّقت بي المنافيس
هاجوس فكري تالي الليل عساس=امسيت ليلي في طواري الهواجيس
لوي بغيت النوم للعين ماجاس=لحظه وتخّم العين حلوم وكوابيس
كثرة همومي ابتلتني بوسواس=حتى يبان الصبح اباري الوساويس
بالناس همي لو توزع على الناس=والله تبكي من حياتي المتاعيس
متعوس حالي والفكر حاله انحاس=جمعي لشتاتي حالةٍ فيها تيئيس
بعثرة صمتي بالحبر فوق قرطاس=جمرة حروفي تحتظنها قراطيس
متعوس قلبي والهوى ماله اقياس=بنتٍ ملكني حبها ابلا مقاييس
حبٍ نبت في خافقي بين الانفاس=في وسط روحي مثل نبتٍ مغاريس
يذوب قلبي لاتحاكت بالاهماس=همسٍ تلامس به جميع الاحاسيس
بنتٍ بها ربي وجد كل الاحساس=اوجس من الظبيا بحس التوّجيس
الها عيونٍ كنها عين قرناس=والرمش شبهٍ للبيارق مناكيس
والعنق ريمٍ بارقه بارق الماس=في شوفته تبهج وجيهٍ معابيس
ومجدلٍ احمر على المتن مياس=جرح ابخدوده من هبوب النسانيس
والقد مياسٍ وضامره بقياس=هايف وله خصرٍ يشل الملابيس
تسعة شهورٍ في هوى عذب الاجناس=ماحلى حلا ذيك الليالي المراويس
لياليٍ ذايق حلاها من الكاس=كاس الغرام اللي ملت لي بلاقيس
ومن دون سبه هملتني بالاتعاس=مالي جدا ياكود صفق المخاميس
وجدي عليها وجد محمد على دباس=ولا الذي بلا ذنبٍ في المحابيس
ولا وجود اللي توجد من الياس=من وسط روحه والحنايا المقاويس
يشتف صبره غصبٍ وهو أس=ماله سبيل الا الرجا بالتلاميس
ولابد من ليلٍ يجي عيني انعاس=ويسلا خفوقي من كثير الهواجيس
لاباس ياقلبٍ شكى الهم لاباس=الصبر شيمة الرجال الاشاويس
واختامها بطلبك يالله لي اتواس=واللي جريحٍ بالهوى مثل ابودريس
تمت وصلى الله على هادي الناس=محمدٍ بعداد من يرجم ابليس[/poem]
