اخواني اخواتي أعضاء وزوار منتديات غرابيل
السلام عليكم ورحمة الله وبركاته ؛؛؛
مع تحيااتي للأمير/فيصل بن خالد سلمه الله
اتنمـــى أن تناال رضاااكم ،،،
[poem=font="Simplified Arabic,5,,normal,normal" bkcolor="transparent" bkimage="" border="double,4," type=2 line=0 align=center use=ex num="0,black"]
ســلام تسلـيـمٍ يـقـدم لـلأمـيـر=بعد الأميـر أهـدي سلامـي لخويـاه
فيصل ولد خالـد وكيـل أبهـا عسيـر=البعـد والله ماينقـص مــن غــلاه
بأزكى عطور الشـرق ذعـذع ياعبيـر=امعزبـي جعـل القصايـد مـن فـداه
قـدرك وحبـك ياولـد خالـد كبـيـر=غيرك ماحسب حساب غيظه من رضاه
والبارحه وضعي مـن الفرقـا خطيـر=قلبـي مولـع والزمـن يبحـث خفـاه
من شاف رسم الحب فعيـون الغريـر=لـو عذلـوه النـاس مايتـرك هــواه
والله سبحانـه علـى كـلـش قـديـر=الوصـل تكفـى لاتفقـدنـي رجــاه
لبى العيون السـود والشعـر الحريـر=ولبـى جميـع اللـي تخفيـه العـبـاه
مالـك قسـم بالله فـي عقلـي خشيـر=ياكبرهـا لـو تلحـق الشاعـر مـداه
لعبـك بقلبـي ياحيـاتـي مايصـيـر=النـاس دونـك والخطـر ماحـدٍ يبـاه
تقـول أنـا وايـاك يربطنـا مصـيـر=واقفت وتتركني ورى أسـوار الحيـاه
افـرش جهنـم واتلحـف زمهـريـر=ويظلم علي الكـون مـن كـل اتجـاه
كنـي ورى العسكـر وبيبـان الخفيـر=طال الزمن والجمر يحرق مـن وطـاه
ومادام ابو خالد علـى البيـداء يسيـر=لاكبـرت الدعـواء رقدنـا فـي ذراه
شيخ المشايخ لاحتمـى العلـم العسيـر=بـدرٍ تعلـى واعتـلا فـوق الـسـراه
في غرة حجاجـه كمـا البـدر المنيـر=وجهه ملائكة السمـاء ترسـم رضـاه
بالخلـق والاخـلاق منقطـع النظـيـر=ابو الادب والشعـر وعقـول الـرواه
داخل بحـور المعرفـه عقلـه بصيـر=شتـى المعـارف ماتعـادل مسـتـواه
كريم واكـرم مـن ذعاذيـع العصيـر=يعطي عطـى اللـي مايحبـون الغنـاه
طيبه يغفـر الذنـب لاعمـس الشويـر=ونفسه تحب الخيـر والمولـى عطـاه
فيصل سمي السيف ابـو حـدٍ شطيـر=احـب قربـه واتضايـق مـن جـفـاه
حكامنـا آل سعـود لاسيـق البعـيـر=والشعب واحـد والحكومـه مـن وراه
الله يزيـدك ياوطـن مـن كـل خيـر=ويحفظ ولـي الامـر ويسـدد خطـاه
جينـا نسلـم ياوكيـل ابهـا عسـيـر=والعلـم لاوصلـك وصلـنـا منتـهـاه
وقـدرك وحبـك ياولـد خالـد كبيـر=وغيرك ماحسب حساب غيظه من رضاه
[/poem]
راشــد الريااااحي
