السالفة محرجه..اقراها لحالك !, الدخول للبالغين فقط !
سلام عليكم ...
كيف الحال... والله مدري وش اقلكم ...
متردد انزل ذا الموضوع وإلا لا.. لكن باسم ان المكان
هنا يعتبر مثل بيتي...وانتو مثل اخواني..
قاعتقد ان الوضع عادي.. بالزبادي...
مابي اكثر واسمعو سالفتي... وتراني مافصلت النت وانا
اكتب..يعني بالله قطتكم في نهاية الموضوع عشان الفاتورة .
.
.
.
.
إذا انت فوق 18 سنة كمل الموضوع
أقل من 18 سنة ..ضف وجهك وتقلع لا أعلم ابوك يالسمرمدي
.
.
في يوم من ايام الصيف الحاره واللي تمتع بها القاصي والداني ولله الحمد ...
وانا راجعن من الجامعة وتعبان ومكرووووف ومنلعن خيري
..وفوق ذا كله مبشريني الزلايب اللي في الجامعة معي اني سقطت
في مادة عزيزة ورفعة على قلبي....
المراد ..اني كنت اسوق سيارتي ومنطلق ابي الحق مطعم جنب شقتي تخلص عنده كبسة البرياني بدري
... عشان شقلة الطلبة ماياكلون جعلهم الماكل إلا عنده...
جيت منطلق وصفطت جنب المطعم ...مابه بطا..
إلا وحده سبحان من صورها...
واقفه مثل غزال الريم واقفه مع خوياتها..الظاهر انهم خمس وإلا ست
ولكنها ملعونت الخير..كانت ازينهم واحلاهم ..
مليانه كبرياااء وشموخ <====== كلام كبير ترى
المهم اني غديت خمسة في ستة .... ونسيت الغدا ونسيت المادة اللي راسب فيها
نسيت نفسي وقسنب....والله واصفط جنبهم..
قلت إن كان لقحت وإلا ماظرها الفحل
يعني يمكن اتعرف عليها وتصير صاحبتي خخخخخخخ <= سكتوه تراه بيجيب العيد
نزلت من السيارة وانا الشوق واللهفة لاعبه في سستمي ومسويه شت داون
للوندوز عندي
ومريت جنبها..اويلاااااااااه حسيت بشي غريب يدغدغني في جسمي
اول مرة اتشقق في حياتي...قمت عاااااد اجمع نسمي وانفخ صدري
واوريها اني الولد القوي
المهم مرت دقاااايق
.
.
.
.
المهم ..ان الدقايق هاذي مرت مثل سرعة الهايلكس حقت واحد من الشباب الله يستر عليه
وهو رايح للشلال يبي يلحق يعسل قبل مايقفل...
بعد مامرت هالدقايق <=== اقلقكم بذا الدقايق
شوي إلا المحبوبه <=== ايه انا احب من اول نظره ترى
راكبه في السيارة قدام ...دقيت سلف..ونا المعروف عني اني استحي ،،،، خخخخخخخ
المهم اني سويت اني ثقل ... وكل ما صدت وناظرت مع الطاقه ..
قمت اناظرها
وانا متشقق واقول سبحان من صورها...
كتكوته اموووورة صغيرووورة وباين عليها الدلع والغنج
... @ .... والحركات اللي بالي بالك.... @ ....
المهم ان حياها مامنعها انها تسايرني وترقص معي <=== ايه هم على طول كذا يخشون فيك عرض
في السيارة على انغام اغنية سعد جمعة
ونا هوا هوا هوا عاش واقف عاش منبطح <=== بدا يلمح
وهي تهز وترقص ... انا تحمست وكان في جيبي خمسين جنيه
واصفط عند محطه قالت هات فكة خمسات
والله ويجيب الصرف ..
واقوم انقط عليها في السيارة ....
وهوا وهوا وهاو وهز وفلفلة باللوز
وبعدها والله خفت ..قلت يامخاوي ..انتبه يناظرونك الناس وإلا شي
وإلا المنطقة ذي محظور فيها ذا الحركات...قمت وهديت اللعب..
وقلت ياكتكوته خلاص باقي الهيصة بنكملها في الشقه
وانا ماشي في أمان الله راجع الشقة ..
إلا ذا التفتيش اللي قدامي ... خخخخخخخخ
انا قفلت الأخلاق معي ..قلت اجل معي ذا الخمسين اللي صرفتها باجلس
اوزعها على ذولا عشان يفكوني شر الهدرة الفاضية
المراد ..اني ربطت الحزام..وجهزت الرخصة ودفتر التربتيك..عشان لاجاء واحد يتفلسف
ويسوي نطامي الزخه بعدتي في وجهه ...
وشوي إلا يوم شفت واحد قام لي ...وجه يخوف ..وعلى كتفه نسر
انا ماضيع دلايلي إلا ذا النسر..وإلا كان كلش يهووون
جاء ونزلت القزاز...حتى ماسلم ولاشي نعتله على ذيك الخشة
قالي: انته من فين ياله <=== ياله في بطنه إن شاء الله
قلت : من السعودية ...
قــال: وتعمل هنا ايه...
قلـت: اعمل شربة كوارع ...
قــال: ايه ...
قـلت: ابد سلامتك انا طالب هنا.. ورايح شقتي
قــال: ودي مين اللي معاك..
والله وارتبك.. ويجيني رعشة مهيب صاحيه
وقام قلبي يلعب سامري
والعرق يقطر من كل جهه
وهذا دليل على ان جسم الأنسان متكاتف مع بعض ومسوي
تضامن صوري بحت في التطبيع الداخلي للعلاقات الدولية <=== ياكبير يامخاوي
والله واقول في نفسي جا وقتك يالخمسين جنيه
واجمع ذا الخمسات واضربها في وسط الرخصه
قلت: ياطويل العمر الموضوع مايتحمل وانت
ادري بهالأمور وانا خوك
قالي: بلا موضوع بلا وقع دماغ
خود الرخصة بتعتك ومتتعودهااااش وامشي من هنا
خخخخخخخخخ
واجي اخذ الرخصةادور..مالقيت الخمسين الصرف...خخخخ
واقول في نفسي الحمد لله ان محد من ذولا النشايب وقف لي ...
والله إلا انا في تفتيش ثاني <=== ليه حلاو اهو
والله ويقزني الجندي ... ويجي يدوبح براسه... والله ويقولي العربية دي بتعتك..
قلت: لا حقت شغالتنا...
قال: .. الاااااه أويه ياراااقل ...
واتذكر ان في الدرج السيارة كم جنيه مع ربع جنيه
واسحبها..قلت :هاذي جيب بها خبز للولاد وخلني ادز
قال: ماشي ياكبتن ربنا معاك...وابأ تعالا من هنا كل يوم
قلت :ايه صفقني ..اجيك منا..
كان تبوني اقدم على صندوق النقد الدولي عشان اسكت كل واحد منكم
بعد هالأفلام كلها... ناظرته ... إلاهي مهيب لمي مرة .. ولا كن شي يصير ...
ومن قوة عينها... رجعت تهز على صوت المسجل وقامت ترقص وتهز يمين ويسار
... قلت يامخاوي
الوضع منتفخ ولانيب فاضي اتسحب بكرة في السفارة عشان ذي...<=== لكنها تستاهل والله
لو يبون يسحبوني من اول جامعة الدول لأخره عشانها ماعندي مانع
تعوذت من ابليس وطفيت المسجل... وسكتت اهي
وخذينا خمس دقايق والوضع هاااااااادي في السيارة
في ذا الوقت جاني الشيطان حقي ماشي اربع ميه تتابع
وقال يامخاوي لك نص ساعة تزمزمها امسكها اقل شي
والله واجي ابي المسها
ولكنها تمنعت وصكتني بذيك الأبتسامه الخجووولة اللي اعدمت السستم مرة ثانية
ولكن قلت خلاص الحين بناصل شقتي
وبتكونين لي لحالي يابعد عمري
وقفت عند العمااااااارة وصفطت السيارة ...
وقدني نازل انا واهي إلا واحد من الشباب مقرود ومعروف
عنه انه اذي ولايطلع إلا في
اوقات مدري وش تبي...
هو شافني معها وإلا ماشافني
وقام يصيح ...ويهاوش...
زي كل يوم يامخاوي...زي كل يوم..ياخي استح ..عيب عليك..
وانا احاول اسكته ..يابو فلان عيب عليك..افهم وش السالفة ..
انا مابي الجيران يتجمعون علي ويسببون
لنا احراج وانت عارف الشي ذا..
ولكنه طلع فوق الشقة..
وبما ان شقتي قالبينها بعض الناس استراحة
وبعض الناس قالبينها مقهى ..والبعض قالبها فندق
فكان فيه قشلة شباب زينين ... بس انهم اذى
طلع خويي هالمفهي..
وعلم اللي في الشقة كلهم ..وقالهم ترا مخاوي معه وحده
والله واللي مايقفل الحساس عندي..واطلع بها شقتي وقلت زي
ماتجي تجي ماعلي من حد
دخلت الشقة والشباب كلهم يناظروني..
بنظرات غبيية ...
والله واقول لواحد من الشباب جب سكين ...
خلاص الجيران درو...ومابي احد يشره علي بكره
وإلا يحطوني في مشكلة
جاب لي واحد سكين... وحطيت يدي عليها..
سبحان من خلقها... ناعمه نعوومة غير طبيعية
قسنب بالله انه خسارة اني اذبحها...
ولكن اهم ماعندي سمعتي انا ..واهي بدلها الف
قامو الشباب يطالعون وش بيسوي هالمجنووووون
وصكيتها باخر نظره... ودبببببببببببببببببببب
.
.
.
.
تهقون وش صار لها؟؟
.
.
.
.
.
ماتت ؟؟؟
.
.
.
.
وإلا لا..؟؟
.
.
.
.
مامدى تأثير العلاقات الدولية بين حزب الأنبراش؟؟؟ ودولة التونة ؟؟؟
وهل هي في صالح وإلا في حمد؟؟؟
.
.
.
.
واظرب بالسكين في النص....
وقامو يصيحون الشبااااااب
يااااااااااااهووووووووووو وووووه
هالمرة حمراااااا يامخاااااااااااوي اخيرااااااااااااااااا
الحمد لله هالمرة هي الوحيده في حياتي اللي وفقني ربي
وشريت جحه من داخلها احمر
اخيرا كسبت التحدي من شلة الأنس في الشقة
وكانت هالجحة احسن من جحة امس
القرعا..مثل راسي...والبيضا مثل قلبي ... : wub :
.
.
.
.
.
الحين دخلو المبزرة اللي اقل من 18 سنة
واللي يبي من الجحة حته ...يعلمني وارسله مع الدي اتش ال
عشان مايوجعني بطني بالله ،،،
*%@ منقوووووووووووووووول *%@
