كل مالك ياوطنا فانحدار ... لوطلعنا شوي ترجعنا ورا !
يظل الوطن أغلي من الروح
وترابه أطهر من ماء السّحاب
ولكن ......... !
.
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black"]
كل مالك ياوطنا فانحدار = لوطلعنا شوي ترجعنا ورا
من قراحك ماشربنا الاّ مَرار = وعن قصورك مانزلنا الاّ العَرا
الحقيقه شمس في وضح النهار = خيرك يدسّم لَحايا لِمْوَرا
وكلّ من له يد في صنع القرار = دبلوماسيّين وأعضا ووْزَرا
والمواطن ذل .. عجز .. وانكسار = من همومه مايطيب اله الكرى
شب في صدره من اللي صار نار = غابنه شي على العين اجهرا
ماتمدّه في اليمين وفي اليسار = تشتري به ودّ الأنفس مشترا
ماجنينا من وراه الاّ الدّمار = والشّتيمه والحسد والمزدرا
والشّماته والجحود والاحتقار = وجرح قدله عقد وأكثر مابرا
وعندما اجتمعوا مع الجار الجوار = ماكن بْحنّا و( منقاش ) اقصرا
همّشونا في مضامين الحوار = وغيّبونا عن وقايع ماجرى
وراحت سْياسَتك في الخارج تدار = في يدي من ماعن أحوالك درى
في العلن يشحذ من المخطي اعتذار = والخفا في ثروة الشعب اخشرا
ماتجمّلنا وحقّقنا انتصار = ولا (فطمنا) المفتري عن الافترا
وداخلك الأوضاع قَرْبَت الانهيار = وش ورا المجلس (وحلّه) وش ورا
الحكومه تحتضر والشعب ثار = كل هذا صار وعيونك ترى
خطّةٍ من راس ضيف الله ...... = وكلْمتين من اللسان مبهرا
شيّدت من بيننا وبينك جدار = ماكسبنا منْه ظلّ ولا ذرى
ياوطنّا كل مالك فانحدار = لو طلعنا شوي تِرجعنا ورا[/poem]
.
أخوكم
فهد بن عبدان
