لا تصدقني ((جديدة )) مرورها بكل الحب
إهداء إلى كل حبيبين
[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
لا تصدقني تراني ما احتمل فرقاك ساعة =والكلام اللي حكيته كان بأسباب الخصام
أدري أني قلت راحل وأدري اشهرت القطاعة=هو كذا دايم زعلنا يوصل حدود الغمام
بس تدري كنت خايف من زعلنا واتساعه=كنت خايف لا تصدق كذبتي وتنسى الغرام
الله ياهي من مصيبة الا قل والله فراغه=كيف نبحث عن شقانا ونعشق دروب الظلام
الهوى والشاهد الله في ضميري مو صناعة=لا ولا هو يا حبيبي همس وأحضان وكلام
الهوى والعشق عندي مثل سفح ٍ وارتفاعه= لازم أوصل للمعالي فيه لو زاد الملام
عشق سامي ما فتح للغير كفيه وذراعه=محتوي قلبي وقلبك في تفاهم وانسجام
لا تشبهني بغيري كل واحد واقتناعه=أتحدى تثبت اني كنت محدود المرام
كان ردي شي عادي والجفا مؤلم سماعه=قولتك انسى غرامي ما أبي منك سلام
عمر قلبي ماشكاك ولا شكى فيك اندفاعه= مقتنع باللي تسوي فيني يا عذب اللثام
عمرنا يمضي وخايف من ترديه وضياعه=والجفا لو طوّل أكثر قول ياقلبي السلام
والحقيقة ماتحمّل صدك وفرقاك ساعة=عاشق ومبلي ولكن ! رغم هذا باحترام[/poem]
على الود نلتقي
حمد
