العذر على الإنقطاع ولكم ( ســــــوّاحه ) لاجل الصيفية قربت
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
يامحمد شفتهـا متمشيـه فـي الباحـه = كنّها عودٍ تثنـى فـي طـرف بستانـي
ناعمه تمشي على راس القـدم بالراحـه = وكل وركٍ يشتكي مـن ميلتـه للثانـي
خصرها الجيعان يعزف نغمةٍ صدّاحـه = وصدرها راوي ولا قد قاربه ضميانـي
كنّها شمـسٍ بوسـط القايلـه وضاحـه = شعّ نورٍ من نحرها صابنـي واعمانـي
ريحة الكـادي طبيعـي منّهـا فواحـه = والنفل ويّا الخزامـى والعطـر الوانـي
فاتـنـه لا والله الاّ فاتـنـه ذبـاحـه = تستثير الشايـب الّـي ناحـلٍ هلكانـي
وسوس الشيطان فيني ومدنـي بسلاحـه = ثبّت النيشان فيهـا واطلـق الشيهانـي
اقتربت وقلت يالله .. وادبرت منزاحـه = ثم ردّت مستحيّه قالت: انـت أتبانـي؟
ارتبكت وقلت لالا قالت: قل بصراحـه = قلـت أي والله أريـدك يابعـد حيّانـي
امسكتنـي باليديـن وشـدّت المسباحـه = قالت اسمك؟ قلت مدري ما أحد سمانـي
وبين ضحك وبين هرج وبين جد امزاحه = انكشف عقـدٍ يطـرّز ثغرهـا الفتانـي
قالت اسمع قلت قولي الصدر لك ساحـه = واذرفت دمعه وقالـت خايفـه تنسانـي
قلت ياحيّ الدموع الّـي علـى التفاحـه = هات دمعك بشربه اليوم انـا عطشانـي
قالت الليله بسافر والسبـب وايضاحـه؟ = آنا من ديـره بعيـده والبخـت ودانـي
واثرها من نجد جايت عندنـا سواحـه = نعنبوهـا يامحمـد زينــــــــهـا ربـانـي [/poem]
