الوصيّــه : علموا طيف الوله و سهم المنايا ... !!
[ALIGN=CENTER]مساكم الله بالخيـــر أتمنى لكم المتعــه بين طيّات هذه الأبيــات :[/ALIGN]
[poet font="Simplified Arabic,4,black,bold,normal" bkcolor="transparent" bkimage="backgrounds/8.gif" border="inset,4,gray" type=2 line=200% align=center use=ex length=0 char="" num="0,black" filter=""]
يعلـم الله ما عشقـت ألا فتاة(ن) يعــربيّه=عمرها عمـر الزهــور وحبها عذّب برايا
عطـرها عطر الورود اليـانعه والنرجسيّـه=والثغـر كنّه هديّه غاليه بين الهدايا
من يرد العلم عنها له سلام وله تحيّـه=ياخذ وريقـة غرام(ن) منتهاها بالتحــايا
ويركب اللي لامشى كنّه على البيدا مطيّـه=يطـوي ديار(ن) بعيده ماتجي لو بالنـوايا
جيب لكزس صنعة اللي مايعرفون العطيّه=لا وقف كنّه عقيـد(ن) يهدي لقومه عطــايا
ولا أستـوى صاروخ كنّه يورث لحوض المنيّـه=مودع(ن) كل المواتر جنبه أشلاء وشظــايا
دارها غرب الخليج وشرق عن نجـد العذيّـه=وحبها يجري بدمّي فالوريد وفالخـلايا
الرطـوبه تكتسـح جو البلاد الســاحليّه=والغــلا يانور عيني موطنه وسط الحنـايا
قولوا أن مجنـون ليلى مات لأجل العامريّـه=والحبيب اللي يحبـك زار حيضان المنايا
قولوا أنّه مهدي(ن) قلبه على شانك هديّـه=والعـرب قالوا من أوّل عيب ردّات العطايا
ذكــروها لو تناست باللحــون السامريّــه=ذكـروها ذكــروها ما على حبي خفــايا
قولوا أن راكان عمره مانسى حب أجــوديّه=عزوتـه يوم أن شمّـر تعتـزي بأرض الطنايا
مادرت باللي هواها في هواها هو ضحيّــه=يعتبـر واحد من اللي روّحـوا ضمن الضحــايا
أدري أني في هواها ما أرتكبت أيّة خطيّـه=ما عليّـه من جفاها لو تحمّـلني خطايا
صنتها صون البنادم للحقــوق وللوصيّــــه=عقب ما مات الموصّي نفذّوا كل الوصايا
علموا ( طيف الوله) : أن الهبايب موسميّه=وأبلغوا كل الســلام لصاحبي ( سهم المنايا) .
[/poet]
[ALIGN=CENTER]أخــــوكم / الكـــــايد .[/ALIGN]
الله الله الله...........
قصيده شامخه كشموخ صاحبها
وهي من اروع ماقرأت في هذه
المنتديات كايده كصاحبها
واتمنى ان تثبت هذه القصيده
لكي يستفيد منهى الجميع
واتمنى ان نقرأ رد سهم المنايا
وطيف الوله.
اخوك: العطيب
