من محاسن قوقل جزاه الله خير,,,,,,الزمــــــن
مساؤكم فلٌ وعود أزرق كمبودي من اللي عليه الكلام
أتمنى تعجبكم هالقصيدة اللي لقيتنا وانا أفترٌ في قوقل من الظهر ولقيتها منزله في منتدى وحبيت أطرحها قدامكم على خدٌها ,,,,,,أما تعجبكم ولا عطوها كم كفٌ وخلوها منسدحه!!!!!!!
وبجد هالقصيدة أول مرة القاها مكتوبه وهي القصيدة الوحيده اللي ماعمري كتبتها لافي ورق ولافي كمبيوتر
كل الشكر للأخ الغائب الحاضر /محمد الودايع اللي كتبها وحفظها لي ولكم,,,,,,,,,,
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black"]
الزمـن دار وزمـان داريالله الثـبـات =عقب مادارت رحاتـه علـى حباتهـا
واختلف وقت البنـادم بمـور مخلفـات =واختلاف الناس حسب اختلاف اوقاتهـا
ناس من الناس والناس اجناس وفئـات =تختلف لجناس فـي مختلـف عاداتهـا
ويتمتع كـل جنـس بعشـر مميـزات =والتطور وحده اللـي جمـع ميزاتهـا
فيهم اللي ميزت الشـاب تقليـد البنـات=بيـن خصـار الملابـس ومكياجاتهـا
يحسب ان البنت تلبس ثياب مخصـرات=مادرى ان قدهي قديمه علـى لبساتهـا
البنـات اللـي يقلـد معـه متطـورات =صارت اخر موضه الجنز من موضاتها
ولبست الكاب الفرنسي بدل لبس العبات=لـن فيـه مميـزات علـى رغباتهـا
والقميص وبنطلونه من اغلى الماركات =ولازم تبين العلامـه علـى طمغاتهـا
مثل مالشـاب يتاثـر فهـم متاثـرات=بالتطـور والحضـاره ومنتوجاتـهـا
والتطور سبة اللي للازيـا عارضـات= والتلفـزون الوسيلـه وذي متلاتـهـا
من عربسات العروبه الين النيل سـات=والاوربـي تخـدم الغـرب برسلاتهـا
كلها قطعـة بلستيـك فيهـا وايـرات =والصحـن قطعـة حديـد بحمالاتهـا
سهلوله كـل شـي ولمـور مسهـلات=دق زره ثـم تجـول علـى موجاتهـا
وبالتسلسل سلسلوها عليـه مسلسـلات=كـل ليـلآ ماتفوتـه حـدا حلقاتـهـا
وان بغا يمرح ويربح عطوه مسابقـات =يشترك مـن تيلفونـه بـدل عنواتهـا
وان بغا شوف الرياضة عطوه مباريات=تحترك رجله وراسـه مـع شوتاتهـا
وان بغا جديد الاخبار جاته موجـزات =وان تحمس للتفاصيـل فـي نشراتهـا
وان بغا قصة غرامآ عطوه مدبلجـات =والبرامـج والدعايـات واعلاناتـهـا
يجذبونـه للدعـاره وامـور منكـرات =ويطلبون مـن البنيـه تحـرر ذاتهـا
تستقل وتكسب الوقت وتعيـش الحيـات =حقهـا لازم تـمـارس صلاحياتـهـا
يدّعـون ان النسـا عندنـا مستعبـدات =ليـه ماتاخـذ مـن الـزوج حرياتهـا
والبنيـه صدقتهـم وسـوت ذالسـوات =حرة تسرح وتمـرح علـى مشهاتهـا
والصبي كنـه البنيٌه بتقليد الصفات =لازم يعـدل صفاتـه علـى صفاتهـا
وانتشر سم التطور وعدوى السم جـات=فـي وطنـا قلـل الله مـن حالاتـهـا
علـة ماللاطـبـا ولا المستشفـيـات =حيلـة تحـول مـن دون تأثيراتـهـا
والبلى ماهوب ذلحين شوفـو المقبـلات=التدهـور فـي الحيـاة وتطوراتـهـا
باقـي للوقـت دورات يالله النـجـات =وكـل دورات تفـوق علـى مافاتهـا
مابقا للناس عادات واللي فـات مـات=ومثـل ماللوقـت دوره لهـا دوراتهـا
صارت سلوم الرجاجيل مثل الذكريـات =في السوالف مثل الاحيا لذكـر امواتهـا [/poem]
وسلااااااامتكم
عبدالله بن عزبين
