[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=1 align=center use=sp num="0,black"]
تشرح لي المعنى و أنا أقول مشـروح=وأقول دون الشـرح يكفينـي اللمـح
رجعت لي و اليـوم تقـول أبـروح=لا سكر ٍ ذقته و لا ذقـت لـك ملـح
مانيب قايل لـك إذا رحـت مسمـوح=لا سامحك ربـي ولا قلـت لـك رح
ودك تغير صوت ضحك الهوى نـوح=تقولها مـن جـد مـا قلتهـا مـزح
تدري و أنا أدري عشقنا مابه مـزوح=وش موقفك لو قلت هذا هو الصـح؟
أغليك لوما كان لـي فيـك مصلـوح=إللا دموع ٍ فـوق خـدي لهـا سفـح
أشوف لك فيّـة مثـل فيّـة الـدوح=و أشوف لك لمعة مثل نجمة الصبـح
ياللي بنيت من الغلى مجد و صـروح=لا تنكر أمجـاده ولا تهـدم الصـرح
البعد طعناتـه تـرى تنـزع الـروح=أخطر على روحي من السيف و الرمح
القلب بغيابـك إذا غبـت لـه فـوح=والشوق له جمـرة و شعلـة وقـدح
لا تقدح بقلبـي و لا تشعـل جـروح=مالك من جروحي ترى مكسب وربـح
مجموع عذالي معك صـار مطـروح=و أنتي عدد مايقبل الجمع و الطـرح [/poem]
,,,
