صباح الخير[poem=font="Arial,5,white,bold,normal" bkcolor="black" bkimage="" border="double,4,white" type=2 line=0 align=center use=ex num="0,black"]
اسمحولي بالمتواضعه اللي اتمنى تنال لو جزء من متابعتكم
يامن يعلمني وياخذ ثوابي = واعطيه من دنياي اجزل عطيه
علم ٍ يخليني ارد لصوابي = واقفي عن المقفين اهل الرديه
ومن عقبها باصك ياناس بابي = من دونهم واسلى بعيشه هنيه
من قبل لايجزع عليه شبابي = ويقول ضيعت العمر في خطيه
ربك إذا حبك يزيل الضبابي = وتشوف بعيونك دروب المنيه
بمعسول هرجه انسحرت وغدا بي = ضيعت درب ٍ للقلوب النقيه
كنت احسبنه نبع واثره سرابي = يخدع ويركب للمخادع مطيه
كم ليلة ٍ ساهر واسامر عذابي = واقول هي مثلي 00واكثر شويه
واثري على نيه وهو مادرابي = خطط وفكر والتحف له ضحيه
مااشره عليها شرهتي علىجرابي = شلته وانا شايل معي راس حيه
يامن يوصله خطي وجوابي = ويبلغه عني سلام وتحيه
وقله ترى عامر عن الحب تابي = مرفوع هامه مانزل للدنيه[/poem]
