الخطاوي سفينه(الاهداء للاخ ذياب العسكر)
[poem=font="Simplified Arabic,5,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
جارت مشاوير التعب واردف الليل=الهم مركب والخطاوي سفينه
يفوح صدري بالقهر فوحة الهيل=مع هجعة العربان تسمع ونينه
ترمح (هنيا) يازمن ضمر الخيل=اقول طيب? لكن الحال شينه
جريت يا حدب الضلوع المواويل=ردي على صوت الصدى ياحزينه
مات الامل في وجه سود المقابيل=مافيك رحمه يالطعون الدفينه
ماللصبر قدره على جاير الويل=لا خانته حمر الدموع اللعينه
وش عاد با قي يا زمان الغرابيل=بنيت لي باقصى الضماير مدينه
الله حسيبي يالقلوب المغاليل=ياهل الحسد والظلم يكفي ظغينه
ا ن ماارتفعت بعين روس الرجاجيل=موتي ولا قولة رضى بالغبينه[/poem]
