,,,,,,,,,,هــــــــــــــراااا اااااااج القــــــفــــــــــــــا ااااااااا,,,,,,,,,,,,
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
شكرا على كل الكلام اللـي تقولـه مـن وراي = ولوكنت كفو [ن] ماتقول اللـي تقولـه بالخفـا
ومدام هذي هقوتك وعلومك اللـي فـي قفـاي = ماهوب انا اللـي يلتفـت لعلـوم هـراج القفـا
لكن انا بقـول كلمـه والرجـال اللـي معـاي = ماني هنا وحدي وحنا أخـوان دونـك وأحلفـا
ولاني بمجهول المكان تضيع أرضي من سمـاي = تعرف مكاني وأن لفيـت أقـول رجـال ولفـا
وأنا معك خصم على وضح النقى رايح وجاي = ومن خلقة الله وأحمد الله ماحد قد قـال أفـا
وأقسم بربي مانظرت بعينـي لبنـت قصـراي = ولا سعيت أكـدر المـاء فالمشـارب لا صفـا
كلن عرفني فالجزيرة ويش طيبـي مـن رداي = وحزامـي رجـال المعـزة والشجاعـة والوفـا
أمد كفـي بالسـلام لصاحبـي وأكعـم أعـداي = ولا أنت وأمثالك إلى جـات المواجيـب أختفـا
لكن عساك تكون في لينـي ولاتعـرف قسـاي = ماودي أبـلا نفسـي بمثلـك جهـالا واضعفـا
يكفيني انك قوتـك هـرج القفـا ماهـي لقـاي = وانك بفعلك تعتـرف منـت بكفـو هـذا كفـا
قلته وانا رجال وأعرف وش قداي ووش خطاي = وأعز نفسي وأرتفع عن ماقـف النـذل بجفـا
أكبر من أني التفت وارفـع يـدي ولا عصـاي = وتكون في وجه السفيـه اللـي كلامـه فالقفـا[/poem]
وسلامتكم
عبدالله بن عزبين
