لابد من التكاتف ( مهم للغايه )
أخواني وأخواتي منسوبي هذا الصرخ الشامخ <<< الطيار للسفر والسياحه يرحب بكم الموقرين << متعوب عليها
أما بعد ...
أحييكم بتحية أهل الجنه ( السلام عليكم ورحمة الله وبركاته ) .
أحبتي في الله سوف أطرح عليكم بعض الأقتراحات التي تصب في مصلحة هذا المنتدى <<< أيه هين
وأطلب من الأخوه والأخوات التفاعل والمشاركه والنظر اليها بعين الأهتمام حتى نخرج
بما هو مفيد أنشاءالله .................................................. ... قولوا أنشاءالله ..!!
الا وهي :-
1_ أجتماع جميع أعضاء منتدى غرابيل ( شباب + بنات ) كل نهاية أسبوع في أستراحه أو مخيـــــم
المهم الأجتماع فينا فينا مع تكليف عضو يمثل كل منطقه , يعني مثلا ً عشق ليل عن أهل الرياض
والأخت حساسه او اي وحده في المنطقه الشرقيه عن أهل الشرقيه واللي في جده كذلك بالأضافه
الى منسوبينا في دول الخليج والدول العربيه والأوربيه وجزر الكناري وموزنبيق .
مثال توضيحي :- بما أن الفكره مطروحه من واحد من اهل الرياض ( يم يم ) فراح يكون اول أجتماع لنا
في الرياض يعني أختاروا تبغون في مخيم او استراحه اوعلى الجسر المعلق او في شارع
البراميل أو الحوامل << يازين النووووم بس
يتبع:_ يعني يتكفل الممثل عن اهل الرياض ( عشق ليل ) بترتيب وتجهيز وتنظيم كل شي يتعلق
بالحفله <<< أي اجتماع الله يجزاك خير .
.يقوم الممثل ( عشق) با ستأجار باص زي الباصات اللي مكتوب عليها من ورا ( السليمانيه
والبطحاء ) << تخيلو عشق وهو عليه , ويروح للمطار لأستقبال منسوبينا
اللي خارج منطقة الرياض ومايمنع ذهاب الأخ سهم معه للوقوف على الباب اللي قدام
ويقول بالصوت العالي غرابيل .. غرابيل .. غرابيل بشرط أن يقوم بعصب رأسه ومخزن قات
_ ممثلة المنطقه الشرقيه (حساسه) بناءً على رغبة اكثر الأخوه والأخوات اهالي منطقة
الرياض تقرر ان يكون الاجتماع في دولة البحرين وياحبذا ماتكون الرحله
على نفس الباص اللي استقبلكم فيه اخونا عشق وسهم يعني يمدحون ( سابتكو ) وذلك
لقرب هذه المنطقه منكم ولكثرة الأثار والمتاحف فيها ورغبة ً منا كامسئولين في تحقيق
رغبات كل عضو ينتسب لهذا الصرخ << ان بعض الظن أثم ياجماعه << ماقال شي
_ يتم أستدعاء فرقه شعبيه (ابوسراج ) مثلا ً كل أجتماع من باب الترفيه عن النفس
أو دعوة احد الفنانين الكبار سعد جمعه او سلامه العبدالله او فطومه حتى نظهر عن جو
المنتدى شوي <<< ملينا منتدى .. منتدى .. منتدى
_ بما أن الجو صيفا ً فلابد من وجود المسبح واللي يبغى يسبح >> يسبح واللي مايبغى
بالطقاق .
_ يمنع أصطحاب الأطفال في مثل هذه الأجتماعات الهامه لما قد يلحقونه علينا من أضرار
وخيمه كذلك يمنع وجود المغاتير <<< المجاهيم عادي << راعي أبل
_ طبعا ً بما أنني أنا اللي طارح عليكم الفكره << مابغت تركب الجمله الله يلعن امها
راح تكون هناك قطيه من 5000 ريال فقط لاغير في حسابي >> بيغير الموضوع
يعود ريعان هذه التبرعات الى أخواننا في الهونولولو >>> لاتنسوا أسرانا
2_ بالنسبه للمأكولات والمشروبات بتكون من عند الأخوات ( الطباخات )<< قويه شوي
المشرفين على منتدى الطبخ وبما أني انا مهندس كمبيوترات وثلاجات راح أقوم
بتأمين 2 فريزر مع 3 حافظات فطائر سبانخ ومرتدلا مع تأمين جهاز كمبيوتر
محمول ( لاب توب ) لأخونا المراقب العام عشق حتى من خلاله يستطيع مراقبة
المنتدى <<<< منتداكم في أيدي أمينه ياناااااااااااااااااااااا ااااااااااااااااااااس
3_ يكلف كابتن منتخب غرابيل بتأمين عدد 2 كوره أم خمسه وعشرين مع صافره
ولاينسى سراويل السباحه اهم شي .
4_ كذلك على الأخ عسيب أن يحضر معه كروت أختبر معلوماتك وكرتونين علك
ويقسم المنتسبين الى قسمين ويقوم بطرح الأسئله عليهم واللي يجاوب ينطل
عليه علكه <<<< الله يذكر ايام المركز الصيفي بالخير
4_ في نهاية الأجتماعات سوف تكون هنالك مفاجأه كبرى لجميع من في المنتدى
الا وهي أحضار جدي ليتسنى لكم معرفته عن قرب <<< أبووتس يالفلسفه
وكذلك بشترط عليه أن يحضر معه جميع البوماته ويعطي كل عضو صوره << ساعه بقرب الحبيب
الراعي الرسمي لهذا الحفل جبنة لاباشكري>>>> لما تفك ماحتصك
أخوكم / يم يم.
