( * * آلام ومواجع غير محدّدي الجنسيه * * )
معاناة غير محدّي الجنسيه
قضيّه انسانيه بحته
نسلّط عليها الضوء .. لعل وعسى أن تجد لها نصير !
.
[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
ياخالقي عبدك عليك اتكاله = يشْكرْك صبح وليل في العسر واللين
مسلم وآمن بالنّبي والرّساله =ويوم القبر والبعث والحشر والدين
عبدٍ ياربّي ليت ترفا خماله = وترْجح موازينه نهار الموازين
يومٍ مافيه من المخاليق داله = ترضخ لسلطانك كبار السلاطين
يااهل الكرم والمرجله والشّكاله = على العهد كنتوا وتبقون وافين
وين البلد وأهله ووقفة رجاله = في وجه ذل المجتمع للعزيزين
بيتٍ خراب صغير غرفه وصاله =حوشه ثمان أمتار في طول مترين
عتيق ماوالله يظلّل ظلاله = موحش ولايسْكنه غير المساكين
بيت عليه الجوع عاقد حباله = ومن الضّما شافوا معازيبه الشين
في داخله أسره ضحية عداله = أم وأبو وعيــــــال خمسه وبنتين
عاشوا تحت ظلم الفقر والبطاله = وبرد الشتا وسموم قيض الكليبين
تحمّلوا مالا يطاق احتماله = ظروفهم ريشه على حد سكين !
حياتهم ضنكه وضيم ومحاله = ون سكّر المعروف بيبانه منين
بي سد رب البيت حاجة عياله = لو مالقاله (خيّر) يموّله دين
والعلم ودروسه وبحره وجاله = ونورٍ يبدد ظلمة العقل والعين
لاهمّ في شعيبه ولا في جباله = عدّت سنين العمر منْه مْحرومين
واللي يِعَرف يخط اسمه لحاله = ومتعلّم ان ( 2 في 1) اثنين
هذا فخر لأمّه وعمّه وخاله = وأبوه يسوى في عيونه ملايين
ومشاكل الطب والأطبا عباله = في عيادة المرضى وقسم المصابين
لوّ المريض يشوف موته قباله = ومْن الوجع كن دمْع عينه براكين
ممنوع تقبل منّهم أي حاله = من حاجة الرّضَع لشيب المسنّين
الين يرخي كل عاجز رياله = ويحط من جيبه على الفحص تأمين
واللي خفى مايتسع لي مقاله = شيٍ ينافي العُرف والشرع والدين
ولا لَحد منّا عليهم جماله = الباب جنب الباب قُصره من سنين
ماهمّنا السائل نجاوب سؤاله = ولاهمّنا مرْكَبْه وين ؟ .. وعلى وين ؟
ماناصَلَه ولا ندوّر وصاله = ومانجتمع ويّاه كود مغصوبين
دام الرّشا من فوق راس المحاله = وعـــــــدودنا كثر العباد المصلّين
وابن البلد جده وعده وآله = عاد الكويت عشاش وبيوت من طين
جنوبي (المطلاع) و لا شماله = ولا تحت ضلعان (واره) مقيمين
وافي لعلم دولَتْه وأكبر دلاله = ملاحمه في كارثة آب تسعين
شجاعه وهِمّه وعزم وبساله = طلقة محارب في نحور المعادين
ياليتنا ننصفه و اللي غداله =من باب مكْرمْنا وحنّا كريمين
ونشوف مأساته بعين العداله = ونطـــــــوّع لْحالته كل القوانين
مواطن وحب الوطن راس ماله = ويشهد عليه احصاء خمسه وستين ![/poem]
