متواضعه أرجو ان تنال استحسانكم
[poem=font="Simplified Arabic,6,darkblue,bold,italic" bkcolor="transparent" bkimage="" border="double,4,sienna" type=2 line=0 align=center use=ex num="0,black"]
يامارد الشعرعطنا من حروفك قصيـــــــــد
=يامارد الشعر مانبغى فضول وكـــــــــلام
كم لي وانا اترجى منك شعرٍ جديـــــــــــــد
=كأن مالي معك بالشعر أي التــــــــزام
يامارد الشعر نبغى من ثنايا الوريـــــــــــد
=شعرٍ يهز القلوب ويكسب الأحتــــــــرام
أبيك تبدع تحطم كل حاجز عنيـــــــــــــد
=وابي ليا من قروها ينحني كل هـــــام
أسبغ علينا القصيد المختصر والمفيـــــــد
=قل لاعدمتك نبيها في اللحم والعظــــام
أسطورة الزيف حطمها وشلّ كل قيــــــد
=يامارد الشعر جنبها عيال الحـــــــــرام
صغها معاني يشيب الها جبين الوليـــــد
=وينوه فيها الكبير وينحني مايـــــــلام
يامارد الشعر جنبها الهوى والنشيـــــــد
=تكفى طلبتك تجنبها كلام الغـــــــــــرام
يامارد الشعر كيف اللي معه قبّل أيـــــد
=أصبح بلا أيد ويدينه معه بالتمــــــــام
وكيف السما صارت ارضٍ في حضون العبيد
=وكيف العذارى بغايا والبغايا تســـــام
وكيف القريّب بعد ماهو قريّب يحيـــــــد
=وكيف البرئ يتظلم في قفص اتهــــام
ماعمرهم قالوا ان الحر يقطع حديــــــــد
=ولا قالوا إن المطر من بطن عج وكتـام
قل عن ارضٍ تداس من القمر من بعيـــــــد
=هو ذنبها الدم والا سالفه كل عـــــــام
وعن ناس تمشي على اليابس وخضر الجريد
=ماهيب تدري عن القصه ولون الظــلام
هي همها بس وش تكسب ووش تستفيـد
=وعلى بعضها بلاهتها غبى وانتقــــام
وش قصة اهل القرى وأهل المدن وش تريد
=يامارد الشعر وصلني حدود الغمـــام
قلي وش اللي حصل في النجم ذاك البعيد
=ووش حد هالحر يوقع في مباني هدام
وش قصة الخبز والما في غياب الثريـــد
=وكلاب تنبح وتنبح في بقايا عظـــام
مجنون/صاحي/بيبقى بس عاقل وحيـــد
=لو يطوي الجوع ضلعينه يشد الحــزام
يامارد الشعر ملينا نكرر نعيــــــــــــــد
=نصيح ننخى حكايتنا ورا كل عـــــام
يامارد الشعر انته سيد من كان سيـــــد
=كفيت وفيت في كل الحكي والكـــلام[/poem]
أخوكم
ناصر عبدالله بن حفيظ العراقين البرازي السهلي
