المشاركة الأصلية كتبت بواسطة رائد الشريف
[poem=font="Simplified Arabic,6,black,bold,italic" bkcolor="transparent" bkimage="http://www.sfsaleh.com/vb/images/toolbox/backgrounds/19.gif" border="inset,5,green" type=2 line=1 align=center use=ex num="0,black"]
بستأذنك قبل المساء يجرح النـور
=بجيك قبل النـوم يدخـل عيونـي
وبقول لك وش خاطري منه مكسور
=وبقول لك ليش الحبايـب جفونـي
وبقول لك ليش الغضي صار مغرور
=يومه درى حبه سبب في جنونـي
وبقول لك شيء عن الناس مستور
=شيء بـرا حالـي وزود طعونـي
وبعيش باسبابه مدى العمر مقهور
=مقهور من عاشق متيّـم يخونـي
لو للهوى والحب قاضي ودستور
=لشكي هذاك اللي عيونه رموني
بسهامها ثم اجرحتني على الفور
=ومن جرحها ماطيب لو عالجوني
ولو يجتمع حولي ثمانين دكتور
=يزيد جرحي لو تراهم كووني
ياصاحبي صاحبك محتاج للشور
=قلي ترى كل المصايب نصوني
واصبحت انا ياصاحبي مزبن الجور
=ودي بفزعة ناس مايخذلوني
وبستأذنك بسري قبل يطلع النـور
=اخـاف حسّـاد الهـوى يعذلونـي
[/poem]
