ماعاد .. به حب
شمس المحبه .. واختفت لحظه غروب */ يوم انطفى ذاك الغلا بالمحاني
ماعاد لك في داخل ضلوعي قلوب */ ولا عاد لك في دنيتي .. لو ثواني
ما كنك اللي في معاليقي تذوب */ ولا كنك اللي كنت سيد الاماني
ماعاد به حب ولا فيه محبوب */ مثل العدواة بين قاصي وداني
تعبت اسامح .. وانت تمطرني ذنوب */ عجزت تشيلك طيبتي مع حناني
دربك مشيته, واثرك دروب.. ودروب */ ومن هو يقول انك بترجع عشاني؟
هذا اختيارك رحت منته بمغصوب */ انت الذي اخطيت يوم تعصاني
عايش حياتك في متاهات.. وهروب */ تجلس مع الاول .. وينطرك ثاني!
تملا حياتك ذنب, واحزان , وشحوب */ بيدك سبايب ضيعتك يااناني
حتى ولو فكرت في مرة أتوب */ الذنب أكبر من غلاك .. وزماني
