اسالك بالله ما بكيت وتندمت
[poem=font="Simplified Arabic,5,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black"]
قبل الموادع ليه ؟ماجيت سلمت=خليت صدري لا سود الهم مفتوح
مفروض تفهمها ولوماتكلمت=اني بنادي لكن الصوت مبحوح
في ذمتي وانا بمكاني تحطمت=غموض حزني بان للناس بوضوح
اسالك بالله ما بكيت وتندمت=من شوفتي بيدين الايام مذبوح
خطاي انا ياسيدي ما تعلمت=تنزف جروحك داخلي واكتم البوح
ان جيت ابشكي في كلامي تلعثمت=تدري وربي صعب ابقول مجروح
الله يسهل خطوتك وين ماهمت=عيشتني حلم خضر قبل لا تروح
نورت لي ليل السواليف واظلمت=وتعودت حمر المدامع على النوح
سلبتني قو الاراده وهيمنت=وتركتني في ليل الاحزان مطروح
اربع ليالي ساهر الليل ما نمت=تفوح بفراقك جروح الغلا فوح
هنا شكيت.هناك طحت وتالمت=هذا المفارق لا حصل ينزع الروح
امنت بك واسلمت وامنت واسلمت=انك قدر مكتوب لي داخل اللوح[/poem]
