المشاركة الأصلية كتبت بواسطة حسين القحطاني
السلام عليكم..
[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=1 align=center use=ex num="0,black"]
يافرحان ضبّط دلـه وشاهـيٍ ممتـاز=انا اشفى بكيف تصنعـه والله الشافـي
على جمر سمرٍ في طرف شبّتك منحاز=ينفّه من الغربي مـع العصـر نفنافـي
بواديٍ غدت بطحاه حمراً كما الشيـراز=يغني حمام الورق في سـدره الضافـي
الى سقت لي منها الفناجيـل مايعتـاز=توارت هواجيسي وجوّي غـدا صافـي
تنسيني همـوم غـدت كنّهـا الالغـاز=هقاوي رفيقك راحت ارباع وانصافـي
انا علّتي وسـط الحشـا كنّهـا جمّـاز=غدا بس نسمع به ولاهـوب ينشافـي
وقف بي طريقي بين صلو اللهب والقاز=مشيته مع كل اشهـب عـاريٍ حافـي
وقفنا سـراواتٍ علـى طاقـة الخبـاز=واثر( لدغم )الخباز اكل خبـزه الدافـي
وذرّ الطحين بعيـن مستـرزقٍ معتـاز=على جثته من موتته يسفـي السافـي
وحنّا على خبرك نغض النظر وعـزاز=مقاصيدنـا وقلوبنـا بيـض ونظافـي
مانستخدم اسلوب الاثاره والاستفـزاز=ولو ان بعض الصبـر لاطـال ينعافـي
ولكن لمنّه صرّ عيـن الـردى طنّـاز=تبين مـن الايـام ماكـان لـك خافـي
ترى للغضب من عقب حلم الحليم افراز=واذكّرك بالقصه لمنّه صفى الصافـي!!
حسين القحطاني[/poem]
