هذي بحور القوافي صغتها لاجلك هديه ... قصيده تحوي جميع بحور الشعر
[align=center]اعزائي ابيات متواضعه تحوي جميع بحور الشعر الفصيح والعامي
ارجو قبولها وان تنال على شئ من رضاكم [/align]
[poem=font="Simplified Arabic,5,black,normal,normal" bkcolor="transparent" bkimage="" border="double,4," type=2 line=0 align=center use=ex num="0,black"]
اعزفي لي واطربيني ياللحون النرجسيه = خوضي بحور القوافي واطربي ذيك الحنايا
هيجني لي وارزفي لي والعبيها سامريه = لجل عين اللي حلاها فارق بين الصبايا
خضت في بحر (الطويل) .. لا ولا يصعب عليه = قافه اطول قاف فيهم بس ما الحقني عنايا
وجيت (للوافر) وصغته باعذب لحونن شديه = بعده (الكامل) نظمته نظم عقدك ياهنايا
ولو تبين (الرجز) و(الكامل) اجيبه يابنيه = و(البسيط) اسهل عليه و(الخفيف) اهون سوايا
و(اتدارك) فالمعاني والبحرور اليعربيه = لجل (اقرب) لك وافصل ماكتمته فالخفايا
وفيه بحر (الرمل) صغته واشربه شربه هنيه = اشربه مثل (السريع) ولا يوصل مستوايا
والمضارع والمديد اعسفه عسف المطيه = بس فيه المقتضب قصره يعكر لي صفايا
وجيت (اهجز) لك واهيجن يابعد ذيه وذيه = وكل ما (المجتث) صغته يطرب السامع غنايا
وفيه بحرين مع الشعبي اضافه منطقيه = نوع تجديد ولحون وكل شاعر له هوايا
لو نزود حرف واحد فاخر ابياتي سويه = مثل كلمة ياهواي كيف تصبح ياهوايا
ولو نزود حرف ثاني اعتقد مافيه شيه = فيه تتحول غلا لين تقرا ياغلايا
وانتي انتي ملهمة شعري وحسي والاسيه = اسألك باللي رفع قدرك تعالي يادوايا
لازهمت الشعر لاجلك ثار لي كله حميه = ثم تسابق لي حروفه ساقها صدق النوايا
ثم تهل حروف شعري كالمزون الموسميه = القوافي مثل قطره وانتي ياروحي سمايا
ايه احبك ايه احبك يابعد كل البريه = ايه احبك قلتها واعلنتها لكل البرايا
وهذي بحور القوافي صغتها لاجلك هديه = علها ترضي غرورك وكبريائك يارجايا[/poem]
[align=center]ولكم خالص تقديري
اخوكم عبدالله العصيمي[/align]
