حـــكــــمـــة امـــــــي
السلام عليكم ورحمة الله وبركاته ...
[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="groove,10,blue" type=2 line=0 align=center use=ex num="0,black"]
لوسمحتي يافلانه ممكن اسال بس سؤال =
مدري اتوقع فهمتي هالسؤال وقصدي زين
انتي لو شفتي ملاك بيوم دش روحك وقال =
انا كلي بس عشانك انت واللي تطلبين
شنهو ردك وادري انها ماتجي الا بخيال =
بس الفقير ان ضل عمره ماحلم اصبح دفين
قالت افهم مالي ابحب الشباب وهالمجال=
قلت ماهو حب هذا اصبري بس تفهمين
ردت وقالت تكلم والصبر طول وطال =
وانا ادري شنهو قصدك بس مابيها تزين
قلت والله يافلانه واللي صور هالجمال=
ضاعت اسالتي جميع من لمحتك تضحكين
(( بس اذكر علمتني امي يوم انه جهال =
انه كلمة حب بس يحتكرها الوالدين ))
(( هي صاجه امي ولا في بعدها جم مجال =
ولا عمدا طوفتها بس لاتفتحلي عين ))
طالعتني ببتسامه وجاوبتني عالسؤال =
جاوبت ناظر عيوني وانت تفهم يالرزين
جنها هالنظره تقول انتو كلكم يارجال =
مابكم واحد يصون الحب لو مرت سنين
حبكم لو طال عمره فوق هامات الجبال =
تهدمونه تهدمونه وينكم والحب وين
ثم قالت وش طلع ناتج جوابي بسؤال =
قلت صبرك بس عليا بس علك تفهمين
اثنتين كلمه بداها امرؤو القيس وقال =
حبو حيث ماردتم لوعشقتم اثنتين
وقلت لحظه اصبري بس وافهمي شنهو المقال=
قالت افهم وشهو افهم انه حبك لثنتين
قلت لازم هالمحبه تنقسم ولا محال =
القسم لاول لأمي والقسم لاخر دفين
وانسحبت من القاء وجت تركض فالمحال =
جن صاح القلب فيها وانتثر باقي الحنين
وقالت اصبر لو سمحت ممكن اسال بس سؤال =
قلت حقك يافلانه بس حقي لاتجين
قالت انته تعرف اللي جابني لجلك وحال =
خل قلبي في يدينك واحتفظ جانك امين[/poem]وسلامتكم
اخوكم ... مشاري العبيوي ..
