**********((نفـــــــــــــــــ ــث البخـــــــــــــــور))****** ******
.
.
[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هام قلبي والقلم ضيّع حروفه=
ضاع شِعري عقب ما ضاع الشعور
مرّ ياسر خوف ما توصف ظروفه=
اعتراني سحر من نفث البخور
سحر يسكن داخلي مقدر اشوفه=
نال من ياسر وياسر به فخور
اهتني به واشتكي من زود خوفه=
تهت ادوّر واقعه بين السطور
حلم ضايع..!!.. او خيال اعشق طيوفه=
يفتن المشتاق ويبث السرور
في سناه أبحِر وروحي له عكوفه=
والمشاعر تعشقه من دون زور
تلّني سحري لظلمه في كهوفه=
يحتويني من ظلامه كل جور
(باعث الافراح).. تطربني دفوفه=
(مبدع الآهات) ..يعطيني الفتور
(كاتم الاحزان)..يكتم حب نوفه=
(ناوي الغيره)..رفض شمّ العطور
(سيّد البسمه)..يجاملني بشفوفه=
يخفي الاوجاع ما ودّه تثور
(راعي الونّه)..ورى صوته حسوفه=
يعتريه الهمّ لكنه صبور
(فارس الاشواق)..ما تقدر سيوفه=
تنتصر له من معاناة الشهور
والقمر ماعاد يبحث عن هنوفه=
تاه في ليل الدجى صابه غرور
والمها عن حبها صارت عزوفه=
تكرهه كره الحمامه للنسور
ملّت الكحلى الكحل(صارت تعوفه)=
يعتريها الخوف من كل الذكور
وابيض الاوراق لأبياتي لهوفه=
تنتظر وصف المها (بدر البدور)
والصدوق اللي وعد يوفي حلوفه=
صار يكذب واكتسى ثوب الفجور
قال : (سوف) وباع عهده ثم(سوفه)=
ما وفى في كلمته (خان النذور)
هذي اخبار السّحر واجمل وصوفه=
يطرب المشتاق ويهز الخصور
اشهد ان الروح صارت به شغوفه=
تعشقه عشق الصبايا للزهور
ادري ان القاف ضايع في حروفه=
مير روّضته وانا (صقـــــــر) الصقور[/poem]
..
وســـــــــــــــــــــــ ــــــلامتكم
