القصايد ...ماعبرت عني ولاهدت الخوف
والدي الغالي.. أجمل ما بهذا الكون هو .. عهدة به الطيبه والشهامه ..لم يكن من اغنى الناس مالا
ولكنه من انبلهم خلقا .. واكثرهم نزاهه .. وأعظمهم بعيني و عيون الاخرين...
ربانا ولله الحمد على التواصل والرحمه .. وخوف الله وطاعته ..
حرص على فهمنا نحن البنات اكثر من والدتي .. كان ألأب والأم والصديق .. وانشاء الله
يرجع كما كان لنا ... لم اكتب به شيئ .. لسبب أانني أحتقر الشعر عند (هامتة الكريمه )
وفي ويومٍ منصرم وبعد محنته اللتي المت به .. سألتني أمي الطيبه ...
بقلبها الطاهر النقي ... ماكتبتي من الشعر شي جديد بأبوك ...
وأيش اكتب يمـه....
[poem=font="Simplified Arabic,5,burlywood,normal,normal" bkcolor="black" bkimage="" border="ridge,4,burlywood" type=2 line=0 align=center use=ex num="0,black"]
اي شعر .. وأي قاف .. وأي قصايد ..وأي حروف =
يقدر يعبر شعوري او يوضح ماخفيت
والله اني لو اصفه هالمعاني بالألوووف =
واكتب من الشعر (مية)( الف) شطر و(الف) بيت
ماقدرت اوفيه واللي لّه خمصنا بالكفوف =
واللي أدعيه أبصلاتي والذي منه خشيت..[/poem]
[poem=font="Simplified Arabic,5,burlywood,normal,normal" bkcolor="black" bkimage="" border="inset,4,burlywood" type=2 line=0 align=center use=ex num="0,black"]
امي وتسئل .. آخر الشعـــر.. يافـوف =
باللـه ماقلتي ببوك القلايــــد؟
يابلسم اجروحي وياقرة الشـــوف=
لاتسألينــي عــــن جمود القــصايــد
بعض القصيد ايموت مابل لي جوف =
وش عـاد لـو قيفــان وجـــدي نظــايــد
في والـدي تبت يد القاف واحـــروف=
أخسى ويخسـى القـاف ماجاب ( زايـد )
نبضات صدري يابعدي كنها ادفــوف =
ودمــوع عينــــي فـوق خــدي سهايد
تقل الحشا صابه من الظيم صــادوف =
أو.. خنجــره مــــابــين الأكتــاف كـايـــــد
ان نمت انا احلم فيه وان قمت في بكتوف=
ماعـــدت أحـــس (أبلــذتٍ ) فالوسايــد
وان قلت ويلي .. يصرخ القلب آآه أووف=
ويـــلاه ياعـودٍ لـــه البــاس صـايـــــد
يابوي ياللي ال كايد الظرف ملهوف=
خبري .. بـك اللــــي ماتعســرك شدايــد
خبــري بك اللي تهزم الوقت والظروف =
شيـــخٍ يعــرف اصولهــا.والعــوايـــد
فتح اعيونك يابعد كل.. محفوف =
اشتقت / عطفــــك / والخصــــال الحمــايــــد
اشتقت شوفك / والقصص منك واسلوف =
اشتــــقت نظرات الأمــــور البعـــايــد
الكون كله ان غبت مابيه ..معيوف =
لازل راســــك ....مابقا به ....فـــوايــــــد
فتح وعد أنه جميــل ٍ ومعروف =
لدمـــوع عيـــنٍ تنهــــمـر لــك ... عدايـــــد ؟
لعيالك اللي علمهم يطرب الجوف =
ورواحنــا اللي ان رحت تذهـــب زهـايـــد
من شان عين اللي غدى تقل مكفوف =
وحسرات نفــس ٍ يكتمونـه .. ولايــــــد
ولراس من تسئل عن الخط واحروف =
والنـــار تشعــل في مــداهــا وقايــــد
أنا طلبت ..الله.. لك أسجود .. واوقــوف =
والا القصـايــد لعــن أبـوهـا.القصـايـد
لاعبرت عنـــــي ولاهـــــــدت الخــوف =
ولا..طمـــنت قلبـــي ولابــــه فـوايـد .[/poem]
