فضول الأم (( بصوت ساقي الشوق ))
[SIZE=4][COLOR=red][B][ALIGN=CENTER][RAM]http://www.angelfire.com/poetry/saaqe1/mother.ram[/RAM]
يرجى تشغيل الملف للإستماع للقصيده
[poet font="Simplified Arabic,4,black,normal,normal" bkcolor="transparent" bkimage="backgrounds/8.gif" border="none,4,gray" type=0 line=200% align=center use=ex length=0 char="" num="0,black" filter=""]
فاجأتني امي بحجة فضول "=" انت شـاعر يعني حبيت و هويت
واندهشت و بان في عيني ذهول "=" لـيش تـسألني و عمري ما شكيت
قالت اسمع يلا صارحني و قول "=" هـذا حـرفـك ولا خرفـت و نسيت ؟
ادري انك طيب و طبعك خجول "=" انـا امـك و يـامـا اسـرارك خفيت
وادري انك في الهوى طايش عجول"=" مـثل ابـوك اللـي عشقني و ابتليت
ضحكتني و الحزن فيني يجول "=" و ذكـرتـنـي مـن بعد ما قد نسيت
اه يـ امي ليش كل هذا الفضول"=" تجربه مرت و انا بحظي رضيت
قالت ادري و باين بجفنك ذبول "=" قول يا وليدي تـرى احـاتـي بديت
هات راسك يمكن احزانك تزول "=" حـطه بـصـدر ٍ عـلـى حـبه ربيت
قلت يا امي ما يطيب الجرح مول "=" وكـنت كاذب يوم قـلت اني نسـيت
كيف انساها و انا اللي كنت اقول "=" يـا عساني الـموت اذا عـنـها سليت
كنت وياها على وشك الوصول "=" لأجــمـل احـلام ٍ بنينـا مــنـهـا بـيت
ما حسبنا حساب حاسد او عذول "=" و كـنت اقـول الله انـا تـوني اهتنيت
و كانت توصيني وعدك لا يطول "=" ودي بـقـربـك احبـك مــا اكـتـفـيت
يلا نصعد للقمر قلبي عجول "=" نسبـق الـعـشـاق و نبني هنـاك بيت
و اتفقنا عالفرح .. لكن شقول "=" خـان فيني الـوقـت يـوم انـي وفـيت
اقرب اصحابي وصل منه رسول "=" ويوم شفت الظرف ندمت اني قريت
فيه اسمه خاطب ٍ بنت الأصول "=" يطلب من اشعـاري اهــدي كـم بيت
صحرا في عيوني غدت كل السهول "=" مدري كنت اضحك انا و يمكن بكيت
ماهقيت انه صديقي اللي يحول"=" بـيـني و بـيـن الـفـرح لا مــا هـقـيـت
ماصدق من قال من يتعب ينول "=" شـوفـي يـا امي كم تعبت و كم شقيت
كم سنه مرت و كم عدت فصول "=" جـري الـوحـوش لـقربها والله جريت
هي بصيره العين و ايدي ما تطول "=" و مـن هـذاك الـيوم انـا بروحي بقيت
ماهو من قل الأكل هذا النحول "=" هـذا وقـتي اللـي طـواني و انـطـويت
ضاعت الحيله و بدا وقت النزول "=" خـطـوة مــكـســوره لأول مــا بـديت
ما كذبتي يوم قلتي انتي عجول "=" والـدلـيـل انـي عــلـى نـفـسي جنيت
ليش خليتيني اتكلم و اقول "=" مـاهـي سـهـلـه اعترف باني خطيت
هو سؤالج حيره ولا بس فضول "=" جـاوبـيـني دام انـا قــلـت و عـنـيت
ليه سكوتج ليش كل هذا الخمول "=" قـولـي أي كـلـمـه مـدام انـي شكيت
و التفت و بان في عيني ذهول"=" نامت امي و جني لا قلت و حكيت
[/poet]
