السلام عليكم
أسعد الله أوقاتكم
وعساكم ماتشوفون مكروه
إثر الحوادث المرورية انتقل إلى رحمة الله الأخ / عبدالله بن نايف بن ناحل
في الثامن من هذ الشهر ولحق به مساء أمس من رثاه بقصيدة
الأخ/ ضيف الله بن بدر بن ناحل ،، تغمدهما الله بواسع رحمته إنه سميع عليم
فأنا قدمت هذه المرثية ليحصلوا أخوانكم على دعواتكم جعلها الله في موازين حسناتكم....
[poem=font="Simplified Arabic,5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
من صـفـر تـشـاءمـو بــالـجـاهــلـيــة=وأنا أخـاف الـشــؤم لامــنه طـــرالي
راح عــام بـمــا حـــواه وحــل زيـــه=والــقــدر مقـبــول لــو على التــوالي
راضــي المكــتوب يــوم أعلن مجـيه=والله أعـلـم في خـفـا سـود اللـيـالي
فاقد (ن) لي صاحب (ن) جـته المنـية=أشـهـد إنه غـــالي اليا قـلـت غــالي
في شبــابه صـــادته قـبل العـشية=راح لـكـن مـا تــوارى عــن خــيــالي
والله إني نـمت في ســاعـة شـقية=وقـمـت وأنا أبكيه من سقم ن بحالي
وزرت قــبره بالعصر والشـمس حيه=واختفـت يــوم إن صاف الدمــع سالي
كيف أبنسى راعي النفـس الوفـيه=يالله إنـك تــرحــمه يـــا ذا الــجــلالي
أتــناسى لـكـن الـذكــرى قــويـة=وأتـسـلى وأدري إن مـا نيـب سـالي
الجـفـن بـالـنـوم مـا هـو ياهـنـيــه=ويــوم كنــه قـر لـو ما ارتــاح بــالي
جاء رديف العلم وأسـماعي معيه=ما تبي تصــديق في علم ن يـقــالــي
من رثاء عبدالله أصـبـح هو خويه=أمس يــرثـي بالــشــعر يا هــمــلالي
نفس تــوقيــته على ظهر الــمطيه=ساعــته وقـفـت به وشــد الــرحـالي
إرجـعي أيــتــها النـفـس الــبـريه=نفس ضــيــف الله وضـافـت رب عالي
والله إن مالي بــنطـقي مـقـدريـه=والحشا يــصلاه من ما جـــاه صـالي
ما علــيه لا حرام إنــي عـــلــيـــه=من هــمــومي ثــقــل شماخ الجبالي
كيف أنابأحـمـل على متني طميه=والله إنك ياحــزن حـزن ن مــثــالـي
ما كتبت الشعر مــقــصودي حميه=مير أعــبــر به وأوجــه به ســؤالي
يالله إني سائلك وأبغى العـطـيه=ترحم اللي داخــل قــبــورن هيــالي
اقـبل الحــسـنات وأغفر كل سيه=وعـضـهم الجــنــات عن دار الزوالي
أتـضـرع بالـدعــاء وأرفــع يديه=البــقــا لك إن فـنـيـنـا و الـكـمـالي
ويالله أنش المزن وأنطحه السقيا=وأؤمر بـمولـد حـمـل بـطـن الخيالي
كل قـــبـــر اعـطف عليه بعقربيه=وألطف بحـالـي وهـــون مــاجرالي
وياقبـور إخذن سلااام وهاشـميه=أشهد إن لحــودكن تحـضن غوالي
وأمر ربي يــوم جــاء يالله حــيه=أدري إنــه دايــم أقرب من ظـلالي
مير يالله أعـطنـا نفوس ن رضـيـه=تتــعــظ من بعــد مــاهي ماتبالي[/poem]
ودمتم بخير........,
