ورقة المقاضي

ارحموووووووووووووووووا ازواااااااااااااجكم

ورقة المقاضي ..

ياعااااااااالم قسم راحت حياتي اوراق صغيره .. جيوبي مليانه .. كل ظهريه وبعد صلاة العشا طيب يازوجتي العزيزه فيه شي اسمه دمج .. رئاسة تعليم البنات بكبرها دمجوها .. ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. المشكله وشي .. المشكله اني اقرا طلبات مالها داعي بس مجبور اجيبها .. دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي

مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... يلعن ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره ماناقص الابطل

المشكله ان زوجتى تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش انانسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي بنت الكلب ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..

وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا

الله يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض الله يلعنهم

المشكله ماعندهم رحمه .. درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال والله اني ابغا اصيح اذا قريت رسايل جوالي ورسايل جوال اخوياي .. كل رسايلهم ( عندما تشرق شمس يوم جديد اذكرك .. ) ( كفاني ان جنح الليل يغشاني ويغشاك .. ) ( الله على الجمس لولا وراد الستين ) << رسالة داخله بالغلط ابوها شريطي ههههههههههههه وانا تعال شف رسايلي ( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس

وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه

مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه

منقووووووووووووووووول

ان من كتب هذه الديباجة العريضة ليس وحيدا فهناك الاف الرجال
في مثل حالته ويمكن اسواء....
اذا جت على الاكل فهي سهلة الم يتكلم عن رائحة البصل
والطبخ التي يشمها الزوج في زوجته.....
او اهمالها له في زينتها وشكلها ...!!!!!
وفوق ذالك يلومونهم اذا وجد الزوجات ازواجهم يشاهدون
الفضائيات ومافيها من زينة بنهم شديد..............

:

خـلـه يـحـمـد ربــه ويـفـتـخـر ان زوجـتـه تـعـرف تـطـبـخ

لأن فـي ذا الـزمـن نــادرآ تـلـقـا بـنـت تـجـيـد الـطـبـخ


وتـبـيـض وجـه اذ جـوووه ضـيـوووف بـدل يـطـلـب مـن الـمـطـاعـم


<<-=-<< عـزوبـي

[align=center]
فهد السلمي
.
.

موضوع جميل جداً .. " ملموس بالفكاهة شوي "

لكن

يجب أن نتكلم عنه ولو بشكل بسيط عن هذه الوريقات .. التي شيّبت بـ رؤوس آبائنـا

عجباً .. لـ رجل لا يلبّي طلبات منزله ..

لأنه هو المستفيد الأول قبل كل شيء .. لأن المستفيد هو نفسه ..

وزوجته وأبنائه ..!

ولكن بعض الأشخاص يفقدون هويتهم عندما يرى الزحمات .. ويظن أن الأغراض ستصل إلى بيته

دون العناء ..

وفي الوجه الآخر .. نرى أن بعض " نساء البيوت " يرهقون كاهل أزواجهم بـ كثر الطلبات


ولكل رجل .. بـ إمكانه أن يستطيع التحكّـم في متطلبات منزله

شكراً لك على النقل




أخوكـ/خالد[/align]

ولما تكن أم المشاكل وسبب االمصائب الزوجة ؟

هكذا أنتم دوما تريدون دون مقابل

موضوعك أخي رغم خفته الا انه يصب في الصميم

فكما تريد انت تريد هي

أبحث عن النقص فيك وعالجه فحتما ستتغير هي ايضا

[grade="800080 800080"]موضوع جميل وطرح رائع

أشكرك أخوي فهدعلى ماقدمت ..

تسلــــــــــــم .....[/grade]

سلام
الصراحة الموضوع خفيف دم ويموت من الضحك لدرجة انا ماني عارفة كيف قدرت ارد من كثر الضحك
في جميع دول العالم وجميع الشعوب تأكل من اطباقها التقليدية وممكن المرأة تطبخ مرة في سنة طبق جديدلعائلتها واذا حبوا يذقون اكلات الشعوب الاخرى عزم الزوج عائلته على احسن مطعم متخصص .
الا عندنا المراة تذبذبت شرقا وغربا وهي تحاول ترضي عائلتها بكل انواع الطبخ وتاخذ من وقتها ساعات في المطبخ وتحط الاكل وتطالع في الزوج ولسان حاله يقول (وش ذا ترى ما شبعنا ) وليه؟ الجواب معروف الكلمة السحرية الكبسة .....
هل الكبسة اكله يخجل منها الرجل السعودي لدرجة انه يدعي الملل منها وهو لا يطيق صبرا عنها ,من الطبيعي ان الانسان يميل للاكلات التقليديه التي تعود عليها . وهذا يدل على ا لأزدواجية الي غرقان فيها الرجل السعودي . يبي الكبسة ولا يستمخ عليها الا اذا تنثر الرز بين اليدين و الشنب بعد.(ترا انا ما أكل كبسة مع رجال منعا للغثيان) و مع ذلك لازم يقحم المرأة في مشكلته مع ذاته.
عزيزي الرجل السعودي : نحن نعلم أنك تحب جميع الاطباق لكن في المطاعم و لكن الكبسة هي ما تطلبه نفسك من اول عتبه في بيتكم. فا لماذا تحيرنا معك؟؟؟!!!
ملاحظة: للأخ الي يتكلم عن ريحة البصل في المدام.......... ترا ريحة زفرة الكبسة في أيدكم قرفتنا بعد..... و بعدييين يمكن المدام ما أمدها تغيير أو أنو الحال من بعضه بالنسبة للطويل العمر ,,,,,,,
رجا للرجل السعودي ارم بلاويكم بره و بلاش تحملون المرأه سبب اي شي و كل شي..وبس...

شيخ الرياض

هلا بك اخوي

بس ترى قليل مو كثير اللي تقابل زوجها بريحة بصل واذا طلعت تكشخت

الناس بدت تتغير وصاروا اكثر رومانسيه

وهذا غير مقنع ولا يعطي الرجل الحق بالنظر الى البنات على الفضائيات من اجل ان زوجته بها ريحة البصل

فهي تحملت ريحة البصل من اجل خشة زوجها وما اظنه هو يقدر زيها يتحمل كل يوم البصل عشانها

المقصود من الموضوع اخوي ان الزوجه تخف على زوجها شوي مو كل يوم

او تطلب اغراضها مره وحده او مرتين في الاسبوع تجمعها مره وحده

وبعدين مو تطلب طلبات غريبه وتسوي حركات جديده وتتفنن في الطبخ بس لصديقاتها وزوجها ماله الا الكبسه واخواتها

لازم اول من يذوق هالحركات زوجها وتقول له برومسنيه اش رياك مو مسيكين يجيب الطلبات ويشوفها تسويها لخوياتها وهو يتذكر فرفرة السوق ويبكي

لانه بيحس ان فيه عدم تقدير

اي طلبات يجيبها لاهله كانوا مايقصرون من يوم تجهز الاكله هو اول واحد يخلونه يذوقهاها ويقول رايه<<<<يوم كان عند اهله

شكرا لمرورك الطيب اخوي

تقبل خالص تحياتي

الهاجري

هلا بك اخوي

بصراحه جيت على الجرح

يقول يازين ريحة البصل بس اهم شي ماتطلع البنت ماتعرف تطبخ<<<<<<<<<<< بينتحر لو ياخذ بنت ماتعرف تطبخ

خخخخ بس شكلي بعلمها اصول الطبخ :redface: <<<<<< عليه كبسه كلااااااااام كثيررر

شكرا لمرورك الطيب اخوي

تقبل تحياتي

خالد

هلا بك اخوي منور

قال الرسول صلى الله عليه وسلم

خيركم خيركم لاهله وانا خيركم لاهلي

السالفه يبو خلود ان الطلبات لازم يكون لها اوقات معينه مو كل يوم مرتين لان الرجل عندها التزامات واجد

ولكن بعض الزوجات ما توصي زوجها الا اذا جات بتسوي الاكله ذكرت ان ناقص كذا وقثومته من نومه او من شغلته او من راحته وبصوره شبه يوميه يعني مافي تنظيم

والسر في ان الازواج يرتفع ظغطهم بعد فتره انهم اصلا مايقدرون يرفضون او يتململون عشان مايكون مقصر مع اهله او بخيل ومايقدر يتجرأ يقول لا مو برايح او من هالكلام

شكرا لمرورك الراقي اخوي

تقبل خالص تحياتي

اخوك فهد

يسلمو اخوي فهد

موضوع حلو وطريف

مااقول الا الله يعين الازواج والزوجات على بعض

دمتم بود


اختكم

هـــمـــ الغلا ـــس

اشياء منسيه

هلا بك اختي

ياليت تقرأين الموضوع مره ثانيه

السالفه ومافيها ان كاتب الموضوع يتكلم في نقطتين

1- لماذا كل يوم ورقه لماذا لايتم كاتبة الاغراض 3 مرات في الاسبوع

2- المسكين يجيب اغراض غريبه ولكنه دائما لا يتذوقها هي فقط لغيره وهو ماله الا الكبسه

شكرا لمرورك الطيب

لمسة حب

هلا فيك اختي

شكرا لموروك الرائع واسلوبك الراقي

تقبلي تحياتي

نونه الحنونه

هلا فيك منوره

بالعكس المرأه هي كل شئ بالنسبه لنا

والكبسه هي ام الاكل عندنا

بس لابد منالتنويع مو معقول الرجال يجيب اغراض اوليه لاكلات شهيه وكلها تذهب لشلة السوالف والرجل ماله الا كبسه كانه لايستحق غيرها

عموما الموضوع يتكلم عن حال كاتبه اما الناقل فمبسوط اهله اذا راح لهم مايقصرون معه يزيد كم كيلو عندهم وانواع الفن في الطبخ ولله الحمد

شكرا لمرورك الطيب واسلوبك الراقي نونه

تقبلي تحياتي

همس الغلا

منوره اختي

اي والله الله يعينهم على بعض

سعدت بمرورك الطيب همس

تقبلي تحياتي

مشكور يالذيب وعساك عالقوه