[align=center]مااطول عليكم وبدون اي مقدمات <<<<<< عذر اللي مايعرف يكتب
:
اليوم الصبح قمت كعادتي ياسعادتي زينت لي قهوه وقعدت على جهازي
وادخل منتدى غرابيل وإذا بي ارى تلك التهاويل
دخلت منتدى التصميم لقيت موضوع منزل بسمي اسمه ((الفــراشة))
قلت وجع وش ذا.. لي مده مانزلت تصاميم..وش السالفه
مير وادعس على الموضوع ولا فيه تصميم فيه فراشات تولع وتطفي مزينه بالايميج ردي
الا وانفجع .. وش صااااااااااير
قطهم منزلين هالموضوع مسخره على توبكي بالماسنجر((الفــراشة))
http://www.swa7.com/upload/uploading/Fraashaah2.jpg
ولا وش السالفه؟؟؟
وبعدين من اللي مزين هالتصميم ومنزله بسمي!!
ومادريت الا راد اعضاء كثير فوق الخمسين رد
واقرا ردودهم الا هم يطنزون فيني ويتمسخرون
مهاجر يقول انتي فراشه الا انتي قعس ((وجه منفجع
ومخاوي الياس يقول التصميم شمال وانتي يمين :11bomb:
::::::::
يااااااااااربي وش السالفه
واروح بسرعه للخيارات حقت المشرف بحذف الموضوع
مالقيت الخيارات (( وجه منفجع صدق ماعاد هوب تسذب
وش ذا شالوني من الاشراف ولا علموني
وادخل الماسنجر بسرعه ابي اشوف العنود بقولها تحذف الموضوع مالقيتها شابكه :11ying:
ارسلت رساله لكل من فارس غرابيل وابوعبدالرحمن
واقول فيها
::
مننننننن اللي داخل بعضويتي ومنزل تصميم بسمي
احذفوووا الموووضوع
وش السسسسسسسسسالفه
::::
ومير ماردوا علي سفهوني
واقعد ابتسي ومن قوة البوتساااااااااااء طحت من على الكرسي
الا يوم اتلفت يمين يسار الا البطانيه لافتني والوساده فوق راسي
اثاريني طايحه من السرير
اشوا طلع حلم .. بس حلم مررررررعب :11ying:
قمت مسسسسسسسسسرعه لجهازي ((كان هذا اول يوم اقعد فيه على جهازي قبل مااتقهوا)) :11ying:
ودخلت منتدى غرابيل بسرعه على التصميم ادور موضوع بسم الفراشه
اشوا مالقيت :biggrin:
:
وبعد حلمي هذا قررت ان اجعل حلمي واقع.. وان اضع موضوع بسم الفراشه << يعنني احتسي فصحى
قبل انه يضعه احد بأسمي :biggrin:
لكن وضعت الموضوع في منتدى الفرفشه وليس التصميم :biggrin:
::
<<<<<<<<<<< حطت حلمها سالفه
[/align]
