. . . ( مبلغ رجاااااااايه ). . . للعابث مغترب !!
[align=center]
مساءكم سكر :
هذه القصيدة كتبتها قبل الموافقة على ابتعاثي الى استراليا لتحضير درجة الماجستير :[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/29.gif" border="double,4,gray" type=1 line=1 align=center use=ex num="0,black"]
لاتزعلين إن قلت ماانتي منايه= ولاتساليني عن منايه وبلواي
صحيح فيك الملح يابنت آآآيه= يااول فتاة جننتني بدنياي
لاشك ماودي أكرر خطايه= الأن ابركز بمستقبلي الجاي
رميت معظم أمنياتي ورايه= وأخذت بس الامنيه ذي وياي
من الاغاني والرسايل كفايه= في نظرتي صارت من ألد أعداي
ماعاد لي نظم القصايد هوايه= ولاعادت عيونك مع الوقت مرساي
صرت أشعر ان الحب ( أكبر جنايه )= ولو إن هذا الحب مااخلف نواياي
ولو قلتي اني فيه ماكنت تايه= بس الاكيد انه يمثل خطاياي
بنيت لآحلامي بعمري بنايه= تخطيط متعلم ولاهو عمى راي
حلمي وتفكيري ومبلغ رجايه= وآمال تكبر والامل بيد مولاي
إن كان باقي لي مع العمر غايه= شهادة الـ( master) تراها هي مناي
باكر إذا مني وصلت النهاية= ووثيقة التخريج في كف يمناي
تسامحيني لو أعيد الحكايه= وأقول لأيام الهوى والهوى باي
وإنتي يااجمل لابسات العباية= تلقين لازم من يعوضك فرقاي [/poem]
