عجوز بس خطيرة

كان يا ما كان في قديم الزمان ………كان فيه أمراة عجوز قاعدة بروحها

وفجأة طلع لها ابليس ……… العجوز خافت وسمت بالرحمن

…قالها ابليس :أنتي يا عجوز هل تعتبرين نفسك داهيه؟؟؟؟

العجوز: نعم أنا داهيه ……….. والنساء عموما كيدهم عظيم

أبليس: أنا أتحداك……..وبنشوف مين كيده أعظم …..المرأة ولا أبليس

العجوز :خلاص أنا بسوي مشكله وأنت راح تحلها واذا ما قدرت أنا راح أحلها

وراح أفوز برهان.

O.K :أبليس

راحت العجوز حق واحد من هالبطاليه اللي ما عندهم شغل ويا كثرهم

وقالت أنا بشغلك عندي فترة معينه بس……. اذا تبي فلوس لا تتدخل ولا

تتكلم وافق الشاب لأنه طفش من البطاله ويبي فلوس
راحت العجوز ومعاها الشاب لمحل قماش وقالت له أنتظرني عند باب المحل

…دخلت المحل وخذت قماش غالي وراحت تكاسر تاجر القماش

العجوز: رخص يا بن الحلال …

التاجر :اذا أنتي ما عندك فلوس أخذي شيء أرخص

العجوز : ما أقدر ….لازم ولا يصير شي ء ما صار

التاجر :ليش ؟؟ …..لهالدرجه …..شسالفه؟؟

العجوز:شفت الشاب اللي واقف عند باب المحل ..هذا ولدي

..يحب له وحده متزوجه وهي تحبه ولما تتطلق من زوجها …ولدي بيتزوجها

وهو قالي أن عارضتي الزواج بأطردك من البيت وأمرني أني أشتري قماش

غالي عشان يعطيها حبيبته ولا راح يطردني من البيت مع أن البيت بالأساس

بيتي ولكني غلطت وكتبته بأسمها لعجوز تبكي

التاجر: خلاص هونيها وتهون والله كسرتي خاطري ….خلاص أنا بأعطيك القماش

ببلاش….وعسى الله يواجرني

العجوز طلعت مستانسه وقالت حق الشاب روح البيت

بعدها راحت العجوز لبيت زوجة تاجر القماش وطقت الباب وطلعت الزوجة

العجوز:آه بابنيتي أنا تعبت بالطريق و ما أقدر أكمل ممكن أقعد عندك أرتاح

خمس دقايق .

رحبت الزوجة ودخلتها وأكرمتها وجابتلها شاي

العجوز:مشكوووووورة ما تقصرين ان شاءالله أردها لك (تعمدت تنسى القماش ) وطلعت.

الزوجة:حرام نست قطعة القماش …أكيد بترجع بعد شوي وتاخذها

بروح أحطها بالدولاب..

تاجر القماش رد لبيته وتغدى ذاك الغدا السنع ونام شوي .

قام العصر وفتح الدولاب بغير ملابسه عشان يروح محله ……مفاجأة قطعة القماش

وعرف أن المرأة اللي يبيها ولد العجوز هي زوجته يعني تخونه

قام عليها وطقها وطردها بالشارع بالهدوم اللي عليها.

العجوز كانت تنتظر هاللحظه في أخر الشارع فراحت لها تركض

العجوز: وش فيك يا بنيتي ليش تبكين؟؟؟

الزوجه : زوجي طردني …وما عطاني فرصه أتكلم .

العجوز: خلاص أنا بأوديك بيتي وأنا بروح أحل المشكله

راحت العجوز لبيتها ودخلت الزوجه في غرفة بينما الشاب كان في

غرفه ثانيه وأمرته أنه ما يطلع منها

راحت العجوز للشرطه تبكي وتقول :كنت قاعدة في بيتي وفجأة دخل

رجل ومعه مرأة وقعدوا ببيتي حاولت أطلعهم ما قدرت

(أحتلوا بيتي )

ذهبت الشرطه وقبضت على الشاب والزوجه ….وقطوهم بالسجن.

العجوز: ها ها وش رايك يا أبليس ؟؟ دورك اللحين حل المشكله

أبليس : لا لا ما أقدر أحلها السالفه تشربكت مرررررررة

العجوز: أنا راح أحلها وكأن شيء لم يكن . وراح أربح الرهان

راحت العجوز تزور الزوجه بالسجن وقالت لها :أنتي ساعدتي مرة

وأنا اللحين بأساعدك …..يلا ألبس ي عباتي وغطي نفسك وأطلعي من السجن كأنك أنا وأنا بأقعد

مكانك.

الزوجة:مشكووورة ….لكن أنتي ؟؟؟

العجوز: مالك شغل مثل ما طلعتك بطلع نفسي.

تمت عملية الهروب بنجاح….

الوالي أمر الحراس يحضرون المسجونين عشان يحكم عليهم

حضرت العجوز والشاب وقال لهم الوالي :ليش قابضين عليكم وشو مسوين؟؟

ردت العجوز:احنا ما سوينا شيء كنا قاعدين ببيتنا أنا وولدي ولا الشرطه

طابه علينا وماخذينا السجن .

عصب الوالي وهزأ الشرطه وما عطاهم فرصه يتكلمون ويقول:غلطانين

وتبون تتكلمون.شين و قوات عين

طلعت العجوز من الوالي مستانسه وعطت الشاب فلوس وأنهت خدمته عندها.

راحت العجوز لتاجر القماش وقالت له أنها تعبت بالطريق وأن زوجته أصيله وأكرمتها وهي من

كثر التعب نست القماش عندها وأن زوجته بريئه

وقالت خذ قماشتك لأن ولدي سافر هو و زوجته الجديدة.

رجع التاجر زوجته وتأسف منها و راضاها بعد.

العجوز : وش رايك يا أبليس أنا فككت السالفه سهله

أبليس :أنتي ربحتي ….يما………يما أن كيدهن عظيم

إنحاش وهو خايف



من الايميل

[ALIGN=CENTER]اخاف انك انتي العجوز يازمان بس والله عجوز داهيه


تحياتي لك وعلى موضوعك الحلو[/ALIGN]

أكيد بعد 200 سنة بصير عجوز وأدهى منها<< بسم الله على عمري




بعدين هذي عجوز منتهيه تكلم أبليس أنا ماأكلم إلا نفسي ويخب علي

ههههههههههههههههههههههههه هههههههههههههههههههههه




عوووووووووووووع





لاتعليق يذكر



بصراحه ماهيب صاحيه




يسلموووووو زمانوووو




صي يوووو

حشى يامخمخ.. راكبه صاروخ سكود وتردين ..بسم الله عليك



لايكون انتي العجوز وماتبين أحد يعرفك أعترفي

يازينك ويازين فصصتس يازمان الصمت


بس تصدقين

مادريت ان ابليس يتكلم انقلينزي يقول o.k

اثاريه مثقف شوشو ومادرينا

بس من جد طلع خيخه

مسحب ذا البشريه لجهنم.. وآخرتها ماعرف يطلع الثنين من السجن









اهــأ بس
أهــــا بس

اخوكم الصغير
مغربل

يهههههههههب يهالعجوووووز


اثبتت النظريه الي معقده الرجاجيل ان كيدهن عظيمممم والله ماهي بهوينه ههههههههههههههههههههههههه هههه امش ياليتها جدتي كريستينا
ههههههههههههههههههههههههه هههههههههههههوالله انها خطيره
اقول زمونه لاتكون هي عميله فدراليه او جاسوسه

لان مخها وعقلها ناابغ بالذكاء والحيل والمصااايب
ههههههههههههههههههههههههه هههههههههههههههههه



يسلموووو على هيك خوفاات

سي يا

مغربل ترى عجزنا تطوروا وأبليس أحق بالتطور لازم يقول أوكي



وهذي العجيز مره جلست تسولف لي عنك تقول ياحليله مغربل وصلي



سلامي له وقولي يمكن أسير هاليومين عنده

لاتخافين قوت هذي عجوز مسالمه مافي مثلها اثنين<< تخوف






المهم ياقلبي تراها تشتغل بهيئة كبار المفكرين والمخططين والقاتلين





يعني الله يفكنا من خشتها

اجل ياحليله

قولي لها مغربل يقول

لا تقولين حليل قلل الله حلاك..... حليل في سلمنا يعني خبل

وعطيها قبله حاره بالنيابه عي >>> يبي يورطها

وشكرا على هالموضوع الحلو

اخوكم الصغير
مغربل

هلا بمغربل شاكره لك مرورك وترى العجوز مصره على أنه تسير




تقول كلش ولا خشه مغربل الصغير بشوفها

مغربل الصغير ؟؟؟

مغربل الصغير مابي يشوف عجوز الغفله لا هو ولا خشته <<<<< خايف

وقولي لها زواج مسيار مافيه<<<<< فاهم خطأ من الخوف

خليها تنساني

نهائياً

واللي يرحم والديك

نهائياً

اخوكم الصغير
مغربل

زمان


شكلك أنتي مو العجوز

النساء مو جديد عليهن الدهاء والمكر

ههههههههههههههههههههههههه ههههههههههههههههههههههههه هههههههههه
هههههههههههههههههه ..

حلوه أختي زمان الصمت .. و بيني وبينك العجوز هذي تصلحلي أنا أحب الي يكون داهية زيي طبعاً ..

تحياتي لك ..

الطـــــــــــــير (( طير الحب )) ;)

اشك فيها الجده

احس انها جدتي هاهاهاها ِ

ِِ

مغربل ياوليدي العجوز حاطها عينها عليك مافي مفر



وتراها تقول المسيار ازين من غيره ..

راشد العجوز ماهيب أنا لاتفهمني غلط



أنا أختها

الطير ياداهية ..


تصلح لك لاتقول أنك شايب وأنا ما أدري للأسف أنت خدعتني




على بالي شاب أنت ومزيون آه خسارة بس

هيام أثاريها جدتك وأنا مطلعة أشاعات عنها



ياويلي منك