ياعين حرن عند هزاع بن عووون&&
السلام عليكم
مشاركه اتمنى تنال على اعجابكم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يازين قلبي فيـك مغـرم و مفتـون=وحبك طبع في القلب بآلـة طباعـه
ماعاد يمحى لـو غسلتـه بصابـون=وعـزّي لقلـبٍ لايـع الـود لاعـه
وين انت يامبيّح خفـا كـل مكنـون=مشتاق لك شوق الفطيـم لرضاعـه
مستدخلٍ حبّك مبـا النـاس يـدرون=وبريت حالي بـري عـود الجراعـه
من عقبكم والحال من دون فـي دون=فضحتنـي يالتـرف عنـد الجماعـه
خليتنـي مثـل المجانيـن مجنـون=وورّخت لك في داخل القلـب راعـه
حسبـي عليـك الله ياباهـي اللـون=ليه الجفـا والصـد ليـه القطاعـه
يابـو نهـودٍ كنّهـا طلـع ليمـون=اخـذت قلبـي مـن مكانـه قلاعـه
والقلب عندك يا اريش العين مرهون=ومن طاح بين ايديك مالـه شفاعـه
ياعين حرٍ عند هـزّاع ابـن عـون=متفهّـق الجنحـان هجـرٍ كراعـه
لاسلهمت برموشها الموت مقـرون=من شاف هاك العين يعلن ضياعـه
والقرن ذيل اللي تشعشع ضحى الكون=يـوم ان كـلٍّ نجدتـه مـن ذراعـه
يوم ان هاك الوقت طاعن ومطعـون=وعدايـل الطمّـاع تصبـح طماعـه
والعنق عنق الظبي والعرض مصيون=بنت الرجال اهل الكـرم والشجاعـه
حريبهـم مايرقـد الليـل مغـبـون=ياما سقـوا عدوانهـم سـمّ ساعـه
والخصر خمس اقفال والا بعـد دون=والخد مثل الشمس يوضـي شعاعـه
وش عاد خـلاّ للغناديـر .. مالـون=اخذ جميـع الزيـن مـدّه و صاعـه
امكمّلـه وامجمّلـه خالـق الكـون=ومن الحيا والديـن ضـافٍ قناعـه
واليوم ما اسمع فيه مهمـا يقولـون=وهرجٍ من العذّال ما اقبـل سماعـه
باب الرجاء مفتوح وابليـس ملعـون=وماقـدّره مـولاي سمـعٍ وطاعـه[/poem]
وسلامتكم
