[frame="10 60"][poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
استوطن الحزن صدري وأعجب أيامي=من يوم ما صارت أطيافك تخاويني
اسقيتني وصلك وخليتني ظامي=عقب الظما ما سوى وصلك بيرويني
لا عاد فرقاك ويّا جرحها الدامي=ليتك تجيني تشوف سواتها فيني
أحلم بك وما رضت تصخى بك أحلامي=لا جات بك وقّفت ما بينك وبيني
حاولت أنا أنساك لكنك مع أنسامي=كأن ذكراك لعنة تلحق سنيني
وش فيك تقسى علي وأنت أول تحامي=عني وهالحين كنك ما تدانيني
أنت تعرفني نبيل ومقصدي سامي=الحب والطهر والطيبة عناويني
لو إنك بقلبي استفتيت حاخامي=بيّن لك إن الصدق بـ يبين في عيني
يكفيك مدة عطاي وشدة حزامي=وإثبات وجهة نظر؛ توجدك / تلغيني
كل المثل شفتها تنهار قدامي=وعزوفك يقول: أن لا شي يعنيني
اختلطت أوراق آمالي وآلامي=وتلاشت أية دروبٍ لك توديني
جيتك حداثي وليبرالي وإسلامي=ما فيه تيّار برر لك تخليني[/poem][/frame]
