فضفضة * ثرثره * هذيان ،،،،

.
.

الأخوة الأفاضل .. الأخوات الفضليات

هذه الصفحة لكم جميعاً

فضفضة .. ثرثرة .. هذيان

أرخ العنان لقلمك .. دعه ينطلق دون قيود .. أكتب ما بدى لك .. أفعل ما شئت

هنـــــا .. وهنا فقط .. الحرية المطلقة للكلمة .. دون المساس بالشخوص

إحتراماً لمبدأ الأخوة ،،،

من سيكون صاحب السبق في هذا الموضوع ؟؟؟

تحياتي ،،،

عسيب ،،،

موضوعك رائع جداً ...



بصراحة أحب أكتب عن أعز أنسانة وأعز صديقة ستقولون إني أبالغ ولكن لا والله



هي أقرب الناس لي ..



إلى أختي ونور قلبي إلى أطيب أنسانة بالوجود إلى من نست نفسها بوجودي ...




لقد أبت نفسي أن أكتب شئ آخر لأنها تستحق هذا الكلام ..



ومن وقفت بجانبي إلى غاليتي وحبيبتي ياسمينة ...



أتمنى لك التوفيق والحياة السعيده وأتمنى أن لايفرقنا بشر ...



كنت أتمنى لقاك ورؤيتك ولكن الظروف منعتنا ولكن بدل العام هذا عام آخر



وسأنتظر لحظة اللقاء بفارغ الصبر ...



ستقولون أنها ثرثرة أو هذيان وأنا أقول أنها حقيقة ملموسة في قلبي الصغير



تحياتي لك ولأخي عسيب ولموضوعه الرائع

اخي بالله عسيب

رغم الخلاف الطويل بيني وبينك لكن موضوعك هذه المره اعجبني

و ارغب ان اكون اهل ترحيب

و ان تطول مداخلاتي فيه

لكن ماذا يسعني ان اقول ؟

و سأتكلم عن ما يحدث في بلدنا

من فتن و سوء تقدير لقدرة الشباب و اختلال في الأمن

في البارحه كنت ارى بالتلفاز اسلحه مهربه لبلدنا و كل هذا

لقتل اولادنا و اهلنا و لخلخله الأمن و الأقتصاد و تخريب ممتلكات

سواء كانت للحكومه تدر علينا او شخصيه يملكها اشخاص

و كنت افكر هل من المعقول ان يكون هذا بفعل انسان عادي ؟؟

هل هنالك دولة اخرى ترغب في تخريب بلدنا و تمولهم و تدمرنا ؟؟؟؟

ام هم كما يزعمون مجموعه من الناس عاديين

لا اعتقد ان انسان عادي لديه القدره على شراء اسلحه

تعجز بعض الدول عن شرائها

و ايظاً لماذا اصبح الفكر الأعلاني يتجه للمفاسد

و يريد تخريب عادات لنا و تشويه سمعتنا ؟

لماذا ايظاً اصبح الشاب السعودي يطمح بوظيفه وراتب كبير

و لا يجرب العمل بأجتهاده و استخدام يديه ولماذا كبر النفس

و ان فكر لماذا يفكر بالأعمال الكبيره و بالمظاهر و الديكورات

و استخدام العماله بدل ان يجلس هو بنفسه يراقب حلاله و ماله ؟

و لماذا الشركات الخاصه المملوكه لمستثمر من ابن البلد

ايظاً لا تعطي السعودي الشاب حقه و تختلق المخاوف الأعذار

ليكون الأجنبي احق من ابن البلد في الكرسي و الوظيفه ؟

و العذر ان السعودي لا يعمل و الهندي يعمل احسن منه

و ينسى انه منهم و انهم منه ؟

لماذا كل عيب نسب لنا نحن المسلمين و العرب و لماذا

اصبح العرب يركض و ينازع بسبب شيء حقير كالسوبر ستار

و يحزن لخسارة مغني كالحمار ينهق و يفرح لفوز آخر ؟

لماذا لا نحس اننا اخوان اذا سافرنا لبلد آخر

و لماذا هنالك قيود بالجمارك و الحدود و لسنا كالدول

المتحده بلا حدود ولا جمارك ولا حواجز طالما نحن اوروبيين

و من نفس العرق والدم ؟

لماذا كل عيب ينسب للسعوديه بالذات و لماذا نحن المستهدفين ؟

و لماذا اصبحت الأمور الشرعيه مصدر من مصادر التخلف و عدم التقدم بأعين البعض ؟

و لماذا اصبح الأسلام اسماً من اسماء الأرهاب و لماذا يخرج ابن لادن كي يقلب النار اذا خمدت و يختفي ؟

لماذا ينقاد الشباب لمن يقول لهم دمر و خرب و اقتل النفس البريئه التي لم تقاتلك وهي بحالها

و ان مت ستكون شهيداً ، هل هذه الشهاده اعلا المنازل ؟؟

و ماهو الذي يريد ان يصل هذا الأنسان إليه ؟

قد تكون هذه اسئله لكن تدور بنفسي احياناً ولم اجد لها الجواب المناسب


اقبل التحيه اخي الكريم على هذا الموضوع

اخوك / السيف

.
.

ياسمينة

من قدك .. اللهم لا حسد .. هاه .. عيني عليك بارده

زمااااان الصمت

صاحبة السبق الأول .. صاحبة البصمة الأولى

التي عبرت عنها بصدق .. بمكنوناتها تجاه أختها

لا أدري ماذا أقول .. سوى أنني أهذي ، أثرثر ، أفضفض

راااااااااائعة هي مشاعرك يا زمان الصمتِ

أشكر لك حضورك .. وسبقك .. وإطرائك

دمتِ سالمة

عسيب

.
.

أخي العزيز // السيف ،،،

جميلة هي المشاعر متى لفتها الحقيقة والمصداقية .. !!!

شعورك تجاه بلادك .. وإخوانك .. غاية في الولاء

أشكر لكم أخي العزيز حضوركم .. ومشاعركم النبيلة الصادقة

وتساؤلاتكم العميقة التي أتمنى أن تجد إجابة لدى الأخوة المشاركين

أنا هنا .. فقط .. أهذي .. أثرثر .. أفضفض

لا أملك سواها ،،،

تحياتي الوتيرة

أخيك // عسيب

.
.
إضافة على الرد الخاص بأخي العزيز // السيف ،،،

ألم أقل لك أنني أهذي .. أثرثر .. أفضفض ؟؟؟!!!

لعلك تلتمس لي العذر فقد كبرت .. !!!

كنت أريد التعليق على كلمة ( خلاف ) في مداخلتكم القيمة .. :

فأقول : أقسم بعزة الله وجلاله أنني لا أحمل لك في قلبي سوى الخير

ولم أضمر لك الشر أبداً ولن يكون بإذن الله .. كل ما في الأمر هو

إختلاف .. وليس خلاف .. ولا يعني إختلاف وجهات النظر أنها

أفسدت للود قضية .. لا .. يا أخي .. فلم نصل الى درجة اليهود حتى نحمل

الأحقاد للذين آمنوا ... نحن أخوة .. ويجمعنا دين وهدف ..!!!!!

وكن على ثقة بأخيك ... !!!!

لكن .. راح يطولك من المطررشاش .. فلا تستغرب ذلك هههههههه

فمرحباً بك في أي وقت مراراً وتكراراً .. وأهلاً وسهلاً

هذا الذي أستطيع قوله لك أخي الكريم ،،،

أخيك في الله // عسيب

طيب أهذري أشوي وأثرثر ماجاني النوم قلت يابنت عندنا موضوع حلووو مثل هذا



أقدر أطرح فيه أي شئ ...




بصراحة ودي أثرثر بالمدرسة شوي أنا موظفة بقطاع أهلي وكرفوني كرف الشر




على راتب الله وكيلك .. صرت مدرسة ... ومسؤلة أنشطة ومشرفه أشوي ويحطوني



فراشة ...




أنا من ناحيتي ماهمني الراتب أهلي ماقصروا معي بس اللي محتاج حرام عليهم كذا



فيه كثير من البنات اللي تساعد أهلها براتبها تكون يتيمه أو حالتهم فقيرة ليش


كذا يعاملونا العبووو علينا وقالوا الرواتب بتكون 3000 فرحنا قلنا يالله


بس للدرجة هذي ماعندهم ماعند غيرهم ...


يكفي إن العام مسكت حفل النهائي للمدرسة والكل يشهد بإخلاصي وبتعبي


وبالنهاية يتم تكريم مدرسة لم يأتي على حضورها شهرين وأنا اللي مسكوني


مادتي الأساسية ومادة ليست بالتخصص والأنشطة وبعض الشغل الإداري


لم يكرموني سقط أسمي سهوا


طبعاً محدثتكم مايضيع لها تعب تكلمت ماسكت كرموني عند المدرسات مع الإعتذار


الشديد لهذا الخطأ الفادح ..


ليش معاملة الأهلية بالطريقة هذي والله تعبنا منهم ومن تحكماتهم اللي مالها سنع


والله لو مايضيق صدري من جلسة البيت كان جلست من زمان


ولو طاعوني أهلي كان قدمت على قرى والله أرحم ولا المعاملة الجافة من المدارس


الأهلية ...


طبعاً لا تلومني على فمي اللي انفتح لوموا أخوي عسيب ثم أخوي منظومة هم اللي


قلبوا المواجع <<< وهقتهم




بس تكلمت ولا جاني النوووووووم

.
.

كلام على سهر .. يعني القلم مرفوع

فنحن هنا في صفحة

فضفضة .. ثرثرة .. هذيان

زمااان الصمت

فيه مثل عامي يقول ( دوّر للتمر عند مصاص الفصم أو العجم ) ..!!!!

تريدين الخير من الغير ... هالقعيطية وراهم خير .. العتب ما هو عليهم

والله على هالوزير خورشيد اللي من جنب القده .. أحسن شئ سواه الرصيف

اللي تبرع به للحوامل من النساء والرجال .. تشوفين الواحد يضف بطنه

ماخذ مجال ددسن ولا دينّة حجم وسط ... هذه طبعاً في ميزان حسنات من

الوزير طبعاً .. لأنه تبرع بأرض العيال لآبائهم وأمهاتهم علشان يخففون

أوزانهم .. ويردون ياكلون حتى يرتفع إقتصاد البلد ويسير هناك توظيف

حكومي للمدرسات الأهليات .. والخريجات الراقدات على المخدات الباليات

والفرش المتنتفات من كثر ما تسدحوا عليها العاطلات .. أممممممممم

إيه .. ويبنون مدارس جديدات مكان المستأجرات بالمليارات اللي أنهكت

الميزانيات .. وحطت الحكومة في إحراجات بسبب الإجتهادات الفاشلات

من بعض وزراء الوزارات .. وراحوا ضحيتها البنين والنيّات .. وأصبحوا

بين متسولين ومتسولات .. عند الإشارات وبين العمارات .. . ومروجين مخدرات .. ولا رجال هيئات وشوهوا سمعة الحسبة بالتشنجات .. والضرب بالهراوات .. وهو من جهلهم بالواجبات

والسبب من .. إجتهادات الوزارات الفاشلات ..

أمممممممممممممممم

والباقي في الحلقات القادامات إن كان الروس سالمات ..،،،،

وللجميع التحيات .. ثرثره .. فضفضة .. هذيان

من أخوكم // عسيبان

والله عسيب للحين ماجاء موعد نومتي خلي الظهر يأذن وأصلي وأرقد


أدعي ربك يفكك مني ومن ثرثرتي اللي مابه سنع << وهقت عسيب



بثرثر اشوي ...



ودي أقول لكم على شئ فيني ياناس أحب العناد ما أدري طالعه على مين فيه



لو قالوا لي لفي يمين لفيت يسار والله لاشعورياً بهذلت أهلي ..



وش حل مشكلتي ... المشكلة إني طيبة وأسمع الكلام <<< تناقض نفسها بنفسها






طبعاً اللي سبق سواليف ماقبل النوم .. بتقولون وش هذي اللي تناقض نفسها بنفسها


والله هذي ياجماعة الخير شريحة من المجتمع تنرفز الناس ولاتخليهم يشوفون


رزقهم ... طبعاً أنشاء الله ما أكون منها أبد لأني مسالمة وحبوبة << مادح نفسه...


هذا موضوع ينرفزني دائماً وش حله وشلون نتعامل مع أصحابه ...


أطرح هالموضوع النرفوزي للي ماناموا << اتحدى أحد يعطيك وجه



على فكرة لسه ما خلصت ثرثرتي وهذياني الله يعينكم

.
.

هنا غرابيل

أستقبل وزير الخلفات في الركن الشرقي الجنوبي المتاخم للخليخ العربي .. وزير اللحقات

بالركن الشرقي على رأس الخليج .. كما إستقبل الوزير نفسه وزير الإصطبلات بوسط النفود .. الواقع بين اليمن جنوباً والأردن شمالاً والخليج العربي شرقاً والبحر الأحمر غرباً

كما حضر عدد من وزراء الحضائر على هامش الإجتماع .. وقد أعرب الوزير المضيف

عن سعادته بحضور إخوانه من كافة الحضائر والعشائر .. وأقيم حفلاً خطابياً .. ألقي فيه

عدد من القصائد الشعرية والنثرية والجريشية .. نالت إستحسان الحضور .. فألقى الشاعر

عصيدان قصيدة مدح فيها وزير الإصطبلات .. قدم له نقلت السكس علف حصاد هذا العام

عليه ختم الجودة من هيئة الموصفات والمقاييس .. كما ألقى شاعر الركن الجنوبي الشرقي

قصيدة في وزيره .. نال مقابلها جيب عليه صورة الوزير .. أما شاعر الركن الشرقي

فامتدح وزيره وموقفه الفذ مع الإصطبلات الصديقة الغازية حضائر العشائر لنصرة القبيلة

من شيخها الكاسر .. وقد أعطي عطاء سخياً من جميع الوزراء الذي جسد بطولاتهم في ملحمة شعرية .. سطرت تاريخاً جديداً فاق تاريخ شيخ الكنانة .. وما سواه في زمانه

وثمثلت العطايا في ( مور عايدي للإبل .. وتريلة علف رودس شهرياً .. وبندق ساكتون مرخصه جديد )

ثم أقيمت بعد ذلك العرضات .. وأبدعوا اللعبات وكثروا من المشروبات

غيبةٍ والله من مطقع الجلطات .. ،،،،

وتقبلوا التحيات .. وأعتبروا اللي فات مات .. ياهل الونيتات

تراها كثرت التفويتات .. والسلام ورحمة مع أطيب التبريكات

ويازمااااااااااان بلااااااااااا ش ذكر المتناقضاااات .. ترى لكل حزة عدة لسبات

وبلاشي توهيقااااااااات تراني على النيات خاصة مع .........!!!!!!!

عسيب

( وجه مبسوط )



البنت قامت تهذري من يفكك من سوالفها ... لقت أحد صاحي وهقته





شكلي بالأخير با أنطرد من كثرة هذياني وثرثرتي ما أقول إلا اليوم يكفي




خلاص ماودها تمصخها بالشبشب تطلع << مامصختها لحد اللحين




ياقلبووووو علي << مغرورة




تسلم عسيب على هذا الموضوع الحلووووو والفريد من نوعه

بهذري شوي معكم

الحين أنا وش رجعني للرياض لحالي في هالحر

تركت اهلي وعيالي في المصايف وجيت هنا اراقب على كم طالب فاشل ومكمل دور ثاني

وش هالحر ,, وش هالطفش ,, باقي على بداية الدوام ثلاث اسابيع

ليه رجعونا بدري كذا ؟؟؟

موضوع حلووووووو يعطيك العافيه عسيب

وانا بعد بثرثر معكم


ليش الشباااب يتتنووووووون وهم عارفين ان الدخااان مضر بالصحه ليش ؟؟؟؟؟؟

يوم اشوف واحد عمره 15 سنه ماسك السيجار بيده ويدخن ليش ؟؟

والمصيبه الاكثر بعض النساااااء يدخنون؟؟ليش ؟؟ وين الانوثه وين الحيااااااا والله اني مره شفتهم يشربون شيشه

ومعسل في منتزه عام الرجال يمرون من جنبهم وهم ماعليهم من احد الواحده ماسكه الشيشه والمعسل ولا همها

من احد استغفر الله ماااات الحياااا من قلوبهم لا والمصيبه انه جالس جنب هاللي تدخن او تشرب شيشه شبه رجااال

(يكرمون الرجال عنه)لابس ثوب وشماغ

الحين يقولون انه مسبب للسرطان وامراض الرئه وما زالو يدخنون؟؟

وش هالتفكير المتخلف عارفين انه يجيب الامراض ويستمرون فيه ؟

.
.

زمااان الصمت

والله يالكلام على السهر يودي لمنتجع جنوب الرياض ،،،

لكن هنا .. ألتزم الصمت .. يازمان الصمت !!!!

عسيب الصمت

.
.

عشوووووووق قلبي ،،،

وش ناوي عليه .. الأهل في المصايف وأنت الحالك

يعني ما تبي تعزمنا ولا ناوي تعزّبنا .. ولا تبي

أحد يعزبك ... ؟؟؟؟؟؟؟؟؟

دور غيرها .. غدى بكره عندك ودبر نفسك من الآن

أكل مطاعم مانبي .. وتسلاف من عند الجيران والأصدقاء

والله إنه يحرم علينا .. يعني نفذ عن ذرعانك وقطع البصل

والطماط من الآن ..!!!!!!!!!!!!!

أوخيك .. عازم روحه .. عسيب

.
.

طيف الولــــه

بلاش الكلام في السياسة .. تبين إقتصاد يلدنا ينهار إذا بطلوا الشباب

الدخان ... لالالالالا ... يموت واحد إثنين .. ثلاثة .. عشرة

يومياً .. بس ما يتوقف بيع الدخان .. الحين اللي يشربه ملايين ... أحسن

نضحي يومياً بعشرة أشخاص ( بس ) ولا بملايين الريالات ؟؟؟؟؟؟؟؟؟؟

أكيد المبزنسين المنسمين يعتبرون الفلوس مقدمه على النفوس ..

بعدين هناك حريم ولاّدات سبعة وخمسة وإثنين وأربعة دفعة واحدة .. يعني

ما راح الشعب ينقص .. ولا يزيد .. أما الفلوس بتزيد طبعاً .. وراح يفتحون

فيها مصحات .. وملاهي .. ودوووور أيتام .. وستصبح مقولة دخن وموت

ولا تخاف على عيالك .. شعار ملاجئ الأيتام ياحرااااااااااام ،،،،

وبالنهاية على الدنيا السلام ... والسلام ..!!!!

أشكرك جزيل الشكر على ثرثرتك القيمة البناءة أختي الفاضلة
وياريت إنّ نثرثر مثل هذه الثرثره ،،،

تحياتي وتقديري ،،،

أخيك // عسيب

[ALIGN=CENTER]شكرا اخوي عسيب

حبيت اقول وافضي الي بداخلي

ليش تغير الزمن؟؟؟؟؟؟؟
ليش تغيرت الناس؟؟؟؟؟؟
ليش كل واحد يقول نفسي نفسي؟؟؟؟
وين ايامنا الي قبل
كان كل ايامنا فرح ووناسه
كنا نحب الخير وكل يوم الناس تواصل بعض
مثل اليوم الريوق عند بيت جدي العود والغدا في بيت خاتلي والعشا عندنا وباجر مثل الشي
الحين تمر سنه سنتين ثلاث ماندري عن بعض ولا حتى تلفون
مشنغلين بالسهر والديجيتال والنت1
ليش تغير حالنا؟؟
ليش كل يوم حرب ونزاع وتفرقه بين الدول والاهل والناس؟؟؟
والله كل يوم تطلع علامه من علامات يوم القيامه واخر مثال امس المريخ لما شوي وينصدم بالارض!!!!!!!
ياناس ارجعو مثل الاول
حبو بعض انسو الديجيتال والنت
انا حاولت بس للاسف مالقيت من يساعدني مالقيت احد يوس مثلي رحت رجعت للنت قلت يمكن اواصل القرابه هناك او احب الناس هناك
ابي اعرف ليش تغيرنا؟؟؟؟؟؟؟؟؟؟؟؟؟؟؟؟؟
تحياتي[/ALIGN]

هذيـــــــان ..
كيف لي أن أهذي ..
وعالمي .. يرتدي عدداً لا بأس به من الأقنعة
الزائفة ..

هناك قناع للكذب
وأخر للمجاملة
وأخر للخداع
وأخر للمراوغة ..

أعشق أن اكون واضحاً
متجلياً للحظات فقط ..

أرتدي حلل المودة للجميع

.
.

قوت القلوب

الزمن لم يتغير .. إنما نحن الذين غير أنفسنا ..

إن الله لايغير ما بقوم حتى يغيروا ما بأنفسهم ...

تحية من الأعماق لعازفة قضية الساعة .. قوت القلوب ..

أسعدني حضورك العطر .. وأثلجت صدري مشاركتك القيمة ،،،

دمت بمحبة ،،،

عسيب

اقتباس:

---

كاتب الرسالة الأصلية : قيثارة الشرق
هذيـــــــان ..

[B]أعشق أن اكون واضحاً
متجلياً للحظات فقط ..

أرتدي حلل المودة للجميع [/B]

---

قيثااااااااااارة

كيف لك ..!!!!؟؟؟؟؟

لن تستطيع فالأقنعة التي تغلف وجهك تحول دون ذلك ..!!!!

عذرا ... الجزاء من جنس العمل ..

والوضوح أجمل ..!!!

عسيب ،،،

أقنعة .. عذراً ..
لا أعلم أين هـــــــي ..
بودي لو أرتدي قناعاً كباقــــــي المختبئين خلفها ..

اقتباس:

---

كاتب الرسالة الأصلية : قيثارة الشرق
أقنعة .. عذراً ..
لا أعلم أين هـــــــي ..
بودي لو أرتدي قناعاً كباقــــــي المختبئين خلفها ..

---

عفواً سيدي ..!!!!!!

هل يرى الجمل إعوجاج رقبته ..؟؟؟؟